Qytaıdyń Ýhan ýnıversıtetindegi kompartıa úgitshileri Qazaqstan premer-mınıstri Kárim Másimovtiń stýdenttik kartasy men ýnıversıtetke qonaqqa kelgende túsken fotosyn erekshe qurmettep, arnaıy stendke ilip qoıǵan, - dep jazady ratel.kz.

Ýnıversıtet tipti K. Másimovke «Qytaıdy taný jónindegi Halyqaralyq keńesshi» degen ataq ta berip qoıypty.

«Biz Kárim Másimovti «Qytaıdy taný jónindegi Halyqaralyq keńesshi» dep atadyq. Ol bizdiń ýnıversıtetke úlken abyroı ákeldi. Osyndaǵy konferensıada qytaı tilinde sóıledi. Sondyqtan, ol – adal túlek», - degen Ýhan ýnıversıteti nasıhat bóliminiń basshysy Fa Lın Chan Qazaqstannan barǵan jýrnalıserge.

Sondaı-aq, ondaǵylar ýnıversıtet bergen ataq Qazaqstan premerine qandaı da bir mindet júktemeıtinin aıtqan.

«Oǵan eshteńe istep qajet emes. Ol – bizdiń adal túlek. Ol Qytaı mádenıetin nasıhattaıdy. Kárim Másimov – Qazaqstan men bizdiń ýnıversıtet baılanysynyń sımvoly. Kárim Másimovtiń arqasynda bizdiń baılanystarymyz nyǵaıýda», - degen qytaılyq ýnıversıtettiń bas nasıhatshysy.

Fa Lın Chan kezinde K. Másimovke sabaq bergen ustazdardyń biri búginde Qytaı Halyq Respýblıkasynyń memlekettik keńesinde qyzmet etip júrgenin de aıtypty.

Qytaıdy Qazaqstanǵa tanystyrý maqsatynda QHR Memlekettik keńesi bastamasymen júzege asyp jatqan «Qytaıdyń synalýy» jobasyna qatysqan jýrnalıserge ol eldiń komýnıseri osylaı maqtanǵan. Al, sýreti Qytaı ýnıversıtetiniń ortalyq foıesine ilingen «adal túlektiń» Qazaqstan halqy aldyndaǵy abyroıy men bedeli óz aldyna bólek áńgime, árıne.