2016 jyldyń alǵashqy jartysynda Qazaqstanǵa shet elderden 15 myńǵa jýyq qazaq kóship kelgen , - dep habarlaıdy Qamshy.kz.

QR Densaýlyq saqtaý jáne áleýmettik damý mınıstrliginiń osyndaı málimet taratty.

«2016 jylǵy 1 shildedegi derekter boıynsha, elge 6840 otbasy nemese 14947 etnıkalyq qazaq kóship kelip, «oralman» mártebesin alǵan. Olardyń basym bóligi (66,7 paıyz) Ózbekstannan, 23,6 paıyzy Qytaıdan, 4,2 paıyzy Túrkmenstannan, 2,4 paıyzy Mońǵolıadan, qalǵan 3,1 paıyzy basqa elderden kóship kelgen», - delingen mınıstrlik taratqan habarlamada.

Shet elderden kóship kelgen qandastardyń basym bóligi Almaty (2364 otbasy, 4729 adam), Ońtústik Qazaqstan (1572 otbasy, 3044 adam) jáne Mańǵystaý (506 otbasy, 2311 adam) oblystaryna qonystanǵan.

Kóship kelgender ishinde eńbekke jaramdy jastaǵy azamattar úlesi 64,2 paıyz, 18 jasqa deıingi balalar 29,7 paıyzdy, zeınetkerler 6,1 paıyzdy quraǵan.

Eńbekke jaramdy oralmandardyń 10,8 paıyzy joǵary bilimdi, 17,8 paıyzy arnaýly orta, 68,1 paıyzy jalpy orta bilimi barlar. Bilim almaǵandar úlesi 3,3 paıyzdy quraıdy.