5-6 tamyzǵa qaraǵan túni tolassyz jańbyrdyń saldarynan Semeı qalasynyń 5 kóshesi sý astynda qalǵan. Degenmen, qazirdiń ózinde birneshe sý sorýshy tehnıka jumyldyrylyp, sýdyń deńgeıi túsip keledi, - dep habarlaıdy Qamshy.kz.
Tótenshe jaǵdaıdyń aldyn-alý úshin jedel túrde 11 avtokólik, 2 sý sorý quraly men komýnaldylyq mekeme qyzmetkerleri jumyldyrylyp, azǵana ýaqytta 1 500 kýb/m sý shyǵaryldy. Qala ákimi Ermak Salımov oqıǵa ornyna jedel shyǵyp, júrgizilip jatqan jumystardy óz qadaǵalaýyna alǵan.
Ázirge kólikterge zaqym keltirmeý maqsatynda, birqatar kósheleri jabyldy. Semeı qalasynyń basshylyǵy málimdegendeı, 6 tamyz kúni saǵat 15:00-ge deıin qala kósheleri tolyqtaı sýdan tazartylmaq.
