Ol da ótti,

qurǵyr-aı, altyn kúnder,

Toryny toıǵa minip qamsyz júrer.

– "Qolyńa qamshy usta!"

Dep ursatuǵyn,

Umytyp qaldyq sosyn,

Qartyn bizder.

Olar da ótti, ómir-ǵoı,

Qarttar sırep …

Aǵataı-aý,

Saǵan burdym at basyn kep.

Áli qamsyz jur ekem, qamshyńdy ber!

"Qur alaqan qalǵan "dep,

Aıtpashy tek! …

Atamyzdy sol jyldar qasqyr qamap,

Qaragermen qýypty bastyrmalap.

Dyraý qamshy sileıtken birnesheýin

Adymyn arandardyń ashtyrmaı-aq.

Shebelengen neme edi!

Baryp turǵan…

Sol tobettiń jaǵyn da qarystyrǵan.

At ústinde shirenip úzeńgisin,

Qamshysyn tike siltep jarlyq qylǵan.

Qaqaqtap biter iske qarsy kelgen,

Qaıbyreýde atamnan qamshy jegen.

Tek qarager,

Qamshy urǵyzbaı ap keletin,

Tań ata sýyt shyqsa sársúnbeden.

Tobyrdy tobyǵnan jaryp kirgen,

Jaryqtyq jalǵandy bul-tanyp bilgen…

Salpaqtaǵan nemese tepeńdegen,

Qamshysyz kúnderimnen jalyqtym men.

Aǵataı-aý, qaıteıin, Qamshyńdy ber!

Qamshyńdy ber degende, álsiz – jiger!

Qashanǵy júrem deısiń,

Qamshy surap,

Jaýyrynmnan jondata tartyp jiber!

Tartyp jiber!

Endeshe, ne tileıin?!

Ólsem – ólem!

Ólmesem – serpileıin!

– "Qamshy usta "dep ursatyn,

Qaıran atam!

Kóz aldyma,

Bir ret keltireıin…

2016. 8. 6

Berdibaı Jaqıalın