Búgin memlekettik grantqa ilingen túlekterdiń qýanyshynda shek joq shyǵar, ıá?! Olardyń áke-sheshesi men týystary da toılatyp jatqan bolar? Durys-aq. Qutty bolsyn! Jaqsy oqysyn! Ata-anasy men ustazdarynyń úmitin aqtasyn! 

Biraq, biz osy «oqýǵa tússe boldy» dep júrip mamandyq tańdaý máselesine jetkilikti kóńil bóldik pe? Balamyzdyń qyzyǵýshylyǵy men nege qabileti baryn eskerdik pe? Besinshi pán men oqý ornyn tańdaýdan buryn nege ebi baryn anyqtaı aldyq pa? Olaı bolmaǵan jaǵdaıda oqýǵa túskeni beker bop shyǵady. 

Senbeseńizder, aınalańyzdaǵy jastardyń ómirine zertteý jasap kórińizshi: elimizdegi árbir ekinshi jas (aýyldyq jerde úshten ekisi) oqýyna túk qatysy joq salada nápaqalaryn taýyp júr. Jumys taba almaı júrgenderi qanshama?! Sol mamandyq tańdaý kezinde jiberilgen qateliktiń kesiri... 

Bir mamandy daıarlaýǵa memleket qazynasynan keminde 2-3 mıllıon teńge bólinedi. Oǵan ata-anasynyń moınyndaǵy tamaǵy, kıimi, júris-turysyna ketetin qarjysyn qosyńyz. Aqshany qoıshy degen kúnniń ózinde naǵyz úırenetin, bilim nárine sýsyndaıtyn jastyq jalynǵa toly tórt jyl ýaqytty aıtsańyzshy!.. 

PySy. Qojanasyr balasyn kórshisiniń úıine ydysqa jumsap turyp: «syndyryp alma», –dep jelkesinen túıip qalypty. –Óı, munyń ne? Ol ydysty syndyrǵan joq ǵoı, degen áıeline Qojekeń: syndyrǵan soń kesh bolady degen eken))). Erterek jazylýy tıis post edi. «Eshten kesh jaqsy». Mamandyqqa qatysty áli talaı dúnıemen bastaryńyzdy qatyramyn. Biz árqaısymyz myqty maman bolǵanda ǵana elimiz ósedi, órkendeıdi, damıdy. Áıtpese...

Beısen Quranbektiń Feısbýktegi paraqshasynan alyndy