Qytaıda Sıan qalasynda úsh jyldan beri bilim alatyn Nurjan Barlybaev NewTimes.kz agenttigine Qytaıdaǵy qazaqstandyq stýdentterdiń onda oqýdan bólek baı qytaılarǵa tánin saýdalaıtynyn aıtyp berdi, - dep habarlaıdy Qamshy.kz.

Stýdenttiń aıtýynsha, eskort-qyzmet usynatyndar arasynda elimizdiń boıjetkenderi ǵana emes, jigitteri de bar kórinedi.

«Sıanda kóp kóńil kóteretin oryndar bar. Arnaıy bólmelerde qyzmetkerleri baı qytaılyqtarǵa boıjetkenderdi usynady. Eresek qytaılyqtardyń deni eýropalyq boıjetkender men kózi úlken qazaq qyzdaryn qalaıdy. Qazaqstandyq stýdentterdiń birtalaıy dál sol jerde jumys isteıdi», - deıdi Nurjan Barlybaev.

Onyń aıtýynsha, bastapqyda qyzdar eskort-qyzmet usynǵanymen, keıin aqysyn ústemelese denesin de saýdaǵa salýǵa ázir.

«Qytaılyq erler bul qyzdarmen ýaqyt ótkizgendi, qydyryp, iship, kóńil kótergendi unatady. Kesh bite salysymen, klıentter qyzdy qosymsha aqyǵa ózimen birge alyp kete alady», - deıdi Nurjan qazaq qyzy qytaısha sóıleı alatyn bolsa, onyń quny joǵaryraq bolatynyn aıtady.

Al qazaqstandyq jigitter bolsa, eskort-qyzmet usynýdy, tipti uıat sanamaıdy eken. Nurjannyń aıtýynsha, jigitter de, qyzdar da mundaı áreketke qomaqty aqsha úshin.

«Jumysqa alar kezde, boıjetkenniń jasyna mán bermeıdi, tek kelbeti sulý bolsa boldy. Eger boıjetken kórikti bolsa, bir keshte orta eseppen 70-100 myń teńge taba alady», - deıdi stýdent.

«Men óz jerlesterime renjýlimin. Olar Qytaıǵa baı kókeler men tátelerge qyzmet etý úshin emes, oqýǵa keldi emes pe? Olardyń keıbirimen aralaspaıtyn da boldym», - deıdi ol.

Qazaqstandyq stýdent Nurjan Barlybaev qazaqstandyqtardy shetelde elimizdiń atyna kir keltirmeýge shaqyrdy.