Jer komısıasynyń otyrysynda ekonomıs Orazaly Sábden osyndaı usynys tastady, - dep habarlaıdy Qamshy.kz.

«Osy jerdi satý, jalǵa berý týraly áńgime bastalǵanda ekonomıka mınıstrligindegiler jerdi satqannan, shetelge jalǵa bergennen 1 trıllıon teńgeden astam paıda tabatynymyzdy aıtqan. Ol sondaı kóp aqsha emes. 3 mıllıard dollardyń shamasy. Qazir ofshorda Qazaqstannyń 154 mıllıard dollar aqshasy jatyr eken. Sol aqshany qaıtaryp, jerge salaıyq.

Bizge ekonomıkalyq reforma kerek. Erte me, kesh pe saıası reformalar da jasaý qajet bolady. Halyqtyń 45 paıyzy qazir aýylda turady. Bizde áli kúnge jergilikti ózin-ózi basqarý týraly zań joq. Sol zańdy qabyldasaq, biraz dúnıe sheshiler edi.

Byltyr «Koopersıalar týraly» zań qabyldandy. Qazir óte nashar júzege asýda. Ákimdikter durys jumys istemeıdi, ony Prezıdent te aıtty. Bul baǵytta aýylsharýashylyq mınıstrliginiń atqarar jumysy kóp. Jer reformasy týraly jańa konsepsıa kerek, jańa jer kodeksi, memlekettik baǵdarlama qajet, tipti, jerdi jalǵa berý týraly jeke zań kerek shyǵar. Sondyqtan, múmkin basqa formatta bolar, biraq, osy komısıanyń jumysy toqtamaýy kerek», - dedi O. Sábden.

Ol sondaı-aq, moratorııdi sozý týraly usynysty qoldaıtynyn jetkizdi.