Álemdegi eń bıik ǵımaratymen, jasandy araldarymen ataǵy shyqqan Dýbaıda 2018 jyly dúnıejúzindegi tuńǵysh tropıkalyq ormandy qonaq úı salynbaq. Bul týraly «billionnews.ru» jazady. Shóldiń qaq ortasyna salynatyn jańa úlgidegi qonaqúıde jasandy jaǵajaı, baseın jáne tóbesinde bult qalyqtaǵan aǵashtar óspek. Rosemont Hotel & Residences dep atalatyn qonaqúı kesheniniń quny 300 mıllıon dollar.
Qonaqúıdegi 7 myń sharshy metr aýmaqty jýnglı alyp jatady. Qoldan ósirilgen tropıkalyq ormanda kelýshiler úshin baseın men jaǵajaı ornalaspaq. Sondaı-aq bunda 450 bólme, VIP-salon, SPA-ortalyq pen konferens-zal da bar. 47 qabatty munaradaǵy tropıkalyq orman ekzotıkalyq ósimdiktermen bezendirilmek. Baı qonaqtar kólikterin ósimdikter men teńiz flora-faýnasy beınelengen alyp ekran aldyna qoıa alady. Qonaqıú aýmaǵyna, sonymen qatar 280 jeke rezıdensıa, dúkender de salynady dep josparlanýda.
