Adolf Gıtler jeke basqa tabyntty, bir partıanyń dıktatýrasyn ornatty, saıası plúralızmdi joıdy, arnaıy qyzmettiń quzyretin kúsheıtý arqyly ózimen kelispeıtinderge qarsy terror men repressıa uıymdastyrdy, sóz erkindigin tunshyqtyrdy, jekelegen etnıkalyq toptardy kemsitetin násilshildikti ıdeologıa deńgeıine deıin kóterip nasıhattady, tutas halyqtardy zorlap kóshirdi, tutas bir halyqty genosıd uıymdastyryp qurtyp jiberýge tyrysty, adam qıaly jetpeıtin azaptaý tásilderin oılap tapqan konslagerler ashty, elin áskerılendirdi, kórshi elderdi asqan ashkózdikpen jáne zulymdyqpen jaýlap alýǵa tyrysty, aqyr sońynda mıllıondaǵan adamnyń qanyn tókti. Mundaı zalymdy qandaı nıetpen bolsyn BAQ-tyń muqaba betine basý - aqtap alýǵa kelmeıtin, barlyq adamgershilik jáne kásibı erejelerge qaıshy áreket.
Iosıf Stalın túsi ǵana basqa saıası ıdeologıany jamylyp joǵarydaǵy áreketterdiń barlyǵyn jasady, "qyzyl terroryn" tipti ekinshi dúnıejúzilik soǵystan keıin de jalǵastyrdy. Ózine uqsaǵan ekinshi qubyjyqty jeńgeni úshin ǵana onyń rejımindegi qylmystarǵa kóz jumý da - aqtap alýǵa kelmeıtin, barlyq adamgershilik jáne kásibı erejelerge qaıshy áreket.
Qazaqstanda birinshi ret (sońǵy ret shyǵar dep úmittenem) muqaba betine jarıalanǵan Gıtlerge qalaı qarsy shyqsaq, Reseıde ashyq nasıhattalyp jatqan stalınızmge, jáne sońǵy jyldary kóptegen shovınısik basylymdardyń muqaba betinen túspeıtin, tipti metro stansıasynyń atyna aınalǵan Stalınge de solaı qarsy shyǵýymyz kerek.
"Atalarymyzdy qyrǵan" Gıtlerdi aıtqanda, "atalarymyzdy shtrafbatqa salyp ajalǵa aıdaǵan", "súıegin Sibirde shiritken" Stalın de oıda tursyn.
Osyny umytpaıyq.
