Reseı kóshbasshysy Vladımır Pýtın ómirden ozǵan Ózbekstan Respýblıkasynyń tuńǵysh prezıdenti Islam Kárimovtiń otbasyna kóńil aıtyp, marqumnyń arýaǵyn eske alý úshin ózbek jerine arnaıy ushyp bardy, - dep habarlaıdy Qamshy.kz Baq.kz - ke silteme jasap.

Ózbekstanǵa kelip jetken Pýtın aldymen Shahı Zında mazarynyń qasynda jerlengen Kárimovtiń zıratyna baryp, gúl shoǵyn qoıdy.

Odan bólek, prezıdent ózbek kóshbasshysynyń otbasyna – jary Tatána Kárimovaǵa jáne onyń kenje qyzy Lola Kárimova-Tılláevaǵa kóńil aıtyp, qaıǵysyna ortaqtasty.

Pýtınniń Ózbekstanǵa keletini jaıly tek keshe ǵana belgili bolǵan. Reseı kóshbasshysynyń kómekshisi Iýrıı Ýshakov jýrnalıserge onyń jeke maqsattaǵy sapar ekenin naqtylap, túsindirdi.

Óz kezeginde, Pýtın Kárimovpen «dostyq qarym-qatynasta bolǵanyn» aıtyp, Ózbekstannyń jańa bıligimen aradaǵy baılanys sondaı kúıde saqtalatynyna senim bildirdi.

Esterińizge sala keteıik, 3 qyrkúıekte Reseı prezıdentiniń baspasóz hatshysy Dmıtrıı Peskov jumys kestesiniń tyǵyzdyǵyna baılanysty Pýtın Kárimovti jerleý rásimine qatysa almaıtynyn málimdedi. Sol kezde Vladıvostokta júrgen Pýtınniń tapsyrmasymen Kárimovpen baquldasý sharasynda Reseı delegasıasyn eldiń premer-mınıstri Dmıtrıı Medvedev bastap bardy.