Ankara  Sırıalyq Rakkany DAISH terrorlyq uıymynan birge  bosatý operasıasy jaıly  usynysty qabyldaýǵa daıyn, -dep málimdedi Túrkıa prezıdenti  Taıyp Erdoǵan.

"IM (DAISH) basty ortalyǵy  – Rakka. ( AQSH Prezıdent Barak) Obama   bizben birge Rakkaǵa qatysty shara qoldanbaq,- dedi. Biz ózimizdiń taraptan eshqandaı problema joq ekenin málimdedik.  Biz áskerlerimizdiń jınalyp,  bul máseleni qalaı júzege asyrý kerektigin talqylaýdy usyndyq»  — dedi Erdoǵan    G20 samıtinen kele jatqan ushaqta jýrnalıserge. Erdoǵan Túrkıanyń « aımaqta bar ekenin kórsetýi kerek ekenin» atap,  «artqa qadam jasaýǵa»  quqyqtarynyń joq ekenin málimdegen.

Túrik kóshbasshysy Ankaranyń  Sırıa soltústiginde operasıa ótkizýi úshin Vashıngtonmen eshqandaı problemasy joq ekenin atap ótti. Tamyzdyń 24  kúni túrik áskeri  «Evfrat qalqany» operasıasyn bastady, operasıa barysynda terrorısterden Djarablýs qalasyn azat etti. Osynyń ózinde  Ankara  sırıalyq kýrdter otrádyna  qarsy operasıany jalǵastyryp jatyr.

Rakka 2013 jyldan beri  terrorısterdiń baqylaýynda. Sodyrlar «halıfatty» basqarý uıymdaryn quryp, qalany óz «astanalary» etip jarıalap alǵan.  Rakka shabýylyn Sırıanyń Demokratıalyq kúshteri júrgizip otyr, negizin YPG  kúrt jasaǵy  quraıdy.  Áýeden halyqaralyq koalısıasy qoldaý bildiretin bolady.