Jas ata-analar úshin óte tıimdi «pampers» dep atalatyn «butkıimniń» shyqqanyna da biraz zaman boldy. Qazirgi jasy jıyrmaǵa kelgen jastar, ásirese qala jastarynyń kóbi dúnıe esigin ashqannan keıin pampers kıip aıaǵynan turdy. Qazirgi tańda ǵalymdar pamperstiń zıyna týraly jıi aıtyp júr. «Bala densaýlyǵyna esh zıansyz» dep qansha jarnamalasa da qysqa merzimdik paıdalanýǵa arnalǵan pampers ataýlynyń quramynda hımıalyq qosylystar bar  ekeni belgili. Sábıdiń densaýlyǵyna osy hımıalyq qosylystar bildirtpeı zıan tıgizedi eken. Sondaı-aq  pamperstiń ishki temperatýrasy balanyń aǵzasyna keri áserin tıgizbeı qoımaıdy. Keıbir sábılerge alergıa týdyryp, júrisiniń buzylýyna ákeledi deıtinder bar. 

Jaqynda nemis balalar dárigerleri pamperstiń ásirese ul balalarǵa óte zıandy ekenin aıtyp dabyl qaqty. Pampers kıip, «er jetken» erkek balanyń sperma túzilisi nasharlap, otbasyn qurǵanda bala súıý múmkindiginen aıyrylýy ábden múmkin eken. Pampersti butynan tastamaıtyn uldardyń jynystyq múshesiniń qurylysy buzylyp, tolyqqandy sperma túzilisi shekteledi eken.  

Ǵalymdar búgingi tańda belsiz erkekterdiń, onyń ishinde jas jigitterdiń  bala týdyra almaý jaǵdaıynyń kóp bolýy sábı kezinde pampers kıgendik degen pikirde. Qazirgi tańda ǵalymdar pamperstiń er balalarǵa tıgizetin zıanyn ǵylymı turǵydan zerttep jatyr. Pamperstiń ul balanyń densaýlyǵyna zıandy ekenin jáne «butkıimniń» bul túrinen góri jórgekti paıdalaný qajettigin dárigerler de aıtyp júr.

Alaıda jas ata-ana jantalas tirshilikte jórgek jýyp otyratyn ýaqytty qaıdan tapsyn? Degenmen, nárestesine pampers emes, tabıǵı kezdemeden jasalǵan jórgekti paıdalanatyn otbasylar áli de bar. Al siz balańyzǵa pampersti paıdalansyz ba?

Dana Qamshybek