«Serik Ahmetov qaıtys boldy» dep jalǵan aqparat taratqan Jandos Baıshemirov eks premerden bir jyl ótken soń ǵana keshirim surady, - dep habarlaıdy Qamshy.kz 31-arnaǵa silteme jasap. 

Osy qylyǵy úshin túrmede segiz aı otyryp shyqqan azamat segiz jylǵa sottalǵan sheneýnik jazasyn ótep jatqan 159/18 túzeý mekemesine resmı hat jibergen.

Jambyl oblysyndaǵy Kógershin aýylynyń turǵyny burynǵy sheneýnikke otbasyna tez oralýyn tilepti. «VKontakte» áleýmettik jelisinde «Rýslan Maekeev» degen esimmen paraqsha ashqan 26 jastaǵy azamat onda "Serik Ahmetov qaıtys boldy" degen aqparat jarıalaǵan bolatyn. Keıin quzyrly organdaǵylar ony joqqa shyǵaryp, kóp uzamaı Jandos Baıshemirovti de qolǵa túsirdi. Eki mıllıon teńge kóleminde salynǵan aıyppuldy óteı almaǵan azamat, aqyry segiz aıǵa jýyq ýaqyt túrmede otyrǵan bolatyn.