«100 naqty qadam» Ult josparyn qabyldaýǵa oraı engizilgen ózgeristerge sáıkes jumyspen qamtý jáne áleýmettik baǵdarlamalardy úılestirýdi basqarý jumystary men «Jumyspen qamtý-2020» jol kartasyna ózgertýler endi, - dep habarlaıdy Qamshy.kz QazAqparatqa silteme jasap.
Bul jaıynda SHQO Óńirlik komýnıkasıalar qyzmetindegi baspasóz máslıhatynda óńirlik jumyspen qamtýdy úılestirý jáne áleýmettik baǵdarlamalar basqarmasynyń jetekshisi Elena Starenkova málim etti.
Onyń atap ótýinshe, vedomstvo jumysy Ult josparymen úılestirilgen.
«Búginde biz baǵdarlamanyń ózektendirilgen erejesimen jumys isteýdemiz. Oǵan sáıkes, halyqty ónimdi eńbekpen qamtamasyz etýdiń shynaıy tetigi olardyń ál-aýqatyn arttyrýmen qatar jumyssyzdyqty tómendetý bolyp otyrǵany belgili. Atalǵan jospar júzege asyrylǵan sátten SHQO-nyń barlyq qalalary men aýdandarynda oń nátıje berdi», - dedi ol.
Osy oraıda ol «Jumyspen qamtý - 2020» jol kartasy baǵdarlamasynyń tıimdilik kórsetkishteriniń biri óńir turǵyndarynyń jumyspen qamtylýy bolyp otyrǵandyǵyn basa aıtty. Atalǵan baǵdarlamaǵa qatysqan 8469 shyǵysqazaqstandyqtyń jumys ornymen qamtamasyz etilgendigin eske saldy.
Aıta keterligi, aǵymdaǵy jyly atalǵan baǵdarlamany júzege asyrý úshin óńirde respýblıkalyq búdjetten 9 194,3 mln. teńge bólingen. 8361 adam baǵdarlamamen qamtylsa, onyń ishinde 3686 adam jumyssyz, 3700 adam ózin-ózi jumyspen qamtamasyz etken edi.
Aıta keterligi, baǵdarlama aıasynda óńirdegi eńbek naryǵynda oń nátıje qalyptasyp otyr. 2010 jyldaǵy 5,7 paıyzdyq kórsetkishpen salystyrǵanda 2016 jyldyń 2 toqsanynda jumyssyzdyq 5 paıyzǵa deıin tómendedi. Halyqtyń ózin-ózi jumyspen qamtamasyz etken bóligi 21,8 paıyzǵa tómendep, az qamtylǵan adamdardyń sany 19,7 myńdy qurady.
