Búgin QR Investısıalar jáne damý mınıstri Jeńis Qasymbektiń basshylyǵymen jeńil ónerkásipti damytý máseleleri jónindegi jıyn ótti. Onda Almaty oblysyndaǵy «Qýat LTD» JSHS negizinde jún klasteri jobasy tanystyryldy, dep habarlady mınıstrlitiń baspasóz qyzmeti.

Sonymen qatar, jıyn barysynda Jeńil ónerkásip kásiporyndary qaýymdastyǵynyń, Jeńil ónerkásip ónimderin óndirýshiler odaǵynyń ókilderi sóz sóılep, atalmysh salada qordalanyp qalǵan ózekti máseleler jaıly baıandady.

Kezdesýge sondaı-aq ulttyq ekonomıka, qarjy, aýyl sharýashylyǵy, bilim jáne ǵylym, qorǵanys, densaýlyq saqtaý jáne áleýmettik damý mınıstrlikteriniń, «Báıterek» UQB» AQ, «Qazaqstan Injınırıń» UK» AQ, «NADLoC» AQ, «KAZNEX INVEST» AQ ókilderi qatysty.

Jıynǵa qatysqandardyń aıtýynsha, búgingi tańda kontrafaktilik ónimderdiń naryqqa jetkizilýi men satylý máseleleri ózekti bolyp qalýda, al Qazaqstannyń ishki naryǵynda jeńil ónerkásip óndirýshileri úshin ekonomıkalyq sharttardyń árkelki bolý máselesi áli de sheshilmegen.

Oǵan qosa, taýar ótkizý jelisiniń kúıreýi, óndiris, kóterme jáne bólshektep satý salalarynyń ózara baılanysynyń buzylýy oryn alǵan. Ań terisinen jasalǵan buıymdardy tańbalaý qajettigi jáne iri qara maldyń óńdelmegen terilerin Qazaqstan Respýblıkasy aýmaǵynan shyǵarýǵa tyıym salý qajettigi de aıtyldy.

Talqylaýdyń qorytyndylary boıynsha, memlekettik organdar men uıymdardyń ókilderi atalmysh salanyń ózekti máselelerin sheshý jóninde óz usynystaryn berdi.