«Agrarlyq nesıe korporasıasy» AQ men Almaty oblysynyń ákimdigi yntymaqtastyqty nyǵaıtý men nesıe seriktestigine (NS) qatysýshylardy qarjylandyrýdyń aýqymyn keńeıtý týraly ózara kelisimge qol qoıdy, - dep habarlady pm.kz.

Bul týraly búgin aımaq ákimi Amandyq Batalov pen «Agrarlyq nesıe korporasıasy» AQ basqarma tóraıymy Gúlnáz Atamqulova Taldyqorǵan qalasynda ótken oblystaǵy NS júıesin qoldaý men damytýǵa arnalǵan   keńeıtilgen keńeste atap ótti.

«Agrarlyq nesıe korporasıasy» AQ baspasóz qyzmeti habarlaǵandaı, «Ákimshilikpen aradaǵy birlesken jumys Almaty oblysyndaǵy fermerlerdiń «Agrarlyq nesıe korporasıasy» AQ  qarjylandyryp otyrǵan barlyq baǵdarlamalarǵa qatysýyna, sondaı-aq, shaǵyn jáne orta sharýashylyqtardyń NS nesıeleýdegi jaıly talaptary boıynsha ortaq kooperatıvterge birigýine múmkindik beredi», - dep atap ótti G. Atamqulova.