9-11 qyrkúıekte «Qýatty óńir - qýatty Qazaqstan» aksıasy aıasynda Astanaǵa Almaty oblysynyń delegasıasy keledi. Bul kúnderi oblystyq taýar óndirýshilerdiń aýyl sharýashylyq jármeńkesi, kitap pen sándik-qoldanbaly óner kórmeleri, óńir ártisteriniń qatysýymen merekelik konsertter ótedi, spektáklder qoıylady.
Jármeńkede elorda turǵyndaryna jalpy kólemi 340 tonna aýyl sharýashylyǵy ónimderiniń 38-den astam túri usynylady. Onyń ishinde, et jáne et ónimderi, balyq, kókónis, jemis-jıdek, sút ónimderi, jumyrtqa, bakaleıa ónimderi jáne t.b.
Jármeńke 10-11 qyrkúıekte Oqýshylar saraıynyń janyndaǵy alańda ótedi. Taýarlar qaladaǵy bólshek saýda baǵalarynan 15-20 paıyzǵa tómen satylady.
Budan basqa, Almaty oblysynyń ókilderi elorda turǵyndary men qonaqtarynyń nazaryna mádenı baǵdarlamalaryn usynady.
9 qyrkúıekte QR Ulttyq kitaphanasynda saǵat 10-nan 18-ge deıin Almaty oblysynyń aqyndary men jazýshylarynyń «Jeruıyq meken - Jetisý» atty kitap kórmesi, sondaı-aq, sándik-qoldanbaly óner sheberleri men mýzeı eksponattarynyń, «Altyn adam mekeni» kórkemsýret galereıasy sýretshileriniń kórmesi ótedi. Osy kúni qala turǵyndary men qonaqtary saǵat 18:30 «Jastar» teatrynda «Kereı - Jánibek» spektaklin tamashalaıdy.
10 qyrkúıekte saǵat 17-den 18-ge deıin Kongres-holl foıesinde «Taldyqorǵan - keshe, búgin, erteń» kórmesi kópshilik nazaryna usynylady. Munda Taldyqorǵannyń damýynyń fototarıhymen, qalanyń kórikti jerlerimen, Qazaqstan halqy Assambleıasynyń kórmesimen, sondaı-aq Almaty oblysynda shyǵarylatyn ónimdermen tanysýǵa bolady. Saǵat 18:30-da Kongres-holl sahnasynda Almaty oblysy shyǵarmashylyq ujymdarynyń «Jetisý - jumaq mekenim» atty gala-konserti ótedi.
