Ózbekstan Ortalyq saılaý komısıasynyń habarlaýynsha, Ózbekstan Prezıdentin saılaý 4 jeltoqsanǵa belgilendi. Saılaý naýqany 2016 jylǵy 9 qyrkúıekte bastalady, - dep habarlaıdy Qamshy.kz.

«ÓR Konstıtýsıasynyń 96, 117-baptaryna, sondaı-aq «ÓR Prezıdentin saılaý týraly» Zańnyń 8-babyna, «ÓR Ortalyq saılaý komısıasy týraly» zańnyń 5 jáne 9-baptaryna sáıkes jeksenbi,   2016 jylǵy 4 jeltoqsandy  Prezıdentti saılaý kúni dep belgileý jóninde sheshim qabyldandy. Osyǵan baılanysty, Ortalyq saılaý komısıasy saılaý boıynsha naýqandy osy jylǵy 9 qyrkúıekten bastaıtyny jaıly habarlady», - delingen OSK habarlamasynda.

Ortalyq saılaý komısıasynyń otyrysynda Ózbekstan Respýblıkasy Prezıdentin saılaýǵa ázirlik jáne ony ótkizý boıynsha negizgi sharalar baǵdarlamasy bekitildi.

Aıta keteıik,Ózbekstannyń premer-mınıstri Shavkat Mırzıeev Ózbekstan prezıdentiniń mindetin ýaqytsha atqarýshy bolyp bekitildi, senat tóraǵasy Nıǵmatılla Iýldashev  bul qyzmetten ózi bas tartqan bolatyn.