«Qazaq úni» ulttyq portalyna joǵarǵy bıliktegi derekkóz jaqyn kúnderi Qazaqstanda Din isteri jáne azamattyq damý mınıstrligi qurylatynyn aıtqan, - dep habarlaıdy Qamshy.kz.
«Din isteri jáne azamattyq damý mınıstrligin Baǵlan Maılybaev basqarady degen boljam aıtylýda.
Eske sala keteıik, qazirgi taǵda Baǵlan Maılybaev QR Prezıdenti ákimshiligi jetekshisiniń orynbasary qyzmetin atqaryp otyr», - dep jazady «Qazaq úni».
Keshe Baqytjan Saǵyntaev Premer-mınıstr, Asqar Mamın Premer-mınıstrdiń birinshi orynbasary bolyp taǵaıyndalǵan bolatyn.
Baǵlan Asaýbaıuly Maılybaev (1975 jyly, 20 mamyrda Jambyl oblysynda dúnıege kelgen) – Qazaqstan Respýblıkasynyń memleket qaıratkeri, Qazaqstan Respýblıkasy Prezıdenti Ákimshiligi Basshysynyń orynbasary[1], zań ǵylymynyń doktory (2002-jyl).
1996-jyly ál-Farabı atyndaǵy Qazaq Memlekettik Ulttyq Ýnıversıtetin jýrnalıs mamandyǵy boıynsha bitirgen.
1998-jyly Reseı Federasıasy Prezıdentiniń janyndaǵy Reseı memlekettik qyzmet Akademıasynyń saıasattaný jáne saıası basqarý kafedrasynyń aspırantýrasyn bitirgen.
1998-jyldan 2002-jylǵa deıin – Qazaqstan Respýblıkasy Ulttyq Ǵylym Akademıasynyń Memleket jáne quqyq ınstıtýtynyń aǵa ǵylymı qyzmetkeri, Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetiniń oqytýshysy.
2002-jyldyń aqpan aıynan mamyr aıyna deıin – Mádenıet, aqparat jáne qoǵamdyq kelisim mınıstrligi BAQ departamentiniń dırektory.
2002-jyldyń mamyr aıynan 2003-jyldyń qyrkúıek aıyna deıin «Kazahstanskaıa pravda» Respýblıkalyq gazeti» ashyq aksıonerlik qoǵamynyń prezıdenti.
2003-jyldyń qyrkúıek aıynan 2004-jyldyń jeltoqsan aıyna deıin «Zań» aksıonerlik kompanıasynyń prezıdenti.
2004-jyldyń jeltoqsan aıynan Qazaqstan Respýblıkasy Prezıdenti Baspasóz qyzmetiniń jetekshisi.
2008-jyldyń qazan aıynan QR Mádenıet jáne aqparat mınıstrligi Aqparat jáne muraǵat komıtetiniń tóraǵasy.
2008-jyldyń jeltoqsan aıynan QR Mádenıet jáne aqparat vıse-mınıstri.
2009-jyldyń maýsym aıynan 2011-jyldyń qazan aıynda deıin Qazaqstan Respýblıkasy Prezıdentiniń Baspasóz hatshysy.
2011-jyldyń qazan aıynda Memleket basshysynyń Jarlyǵymen Qazaqstan Respýblıkasy Prezıdenti Ákimshiligi Basshysynyń orynbasary bolyp taǵaıyndaldy.
Qazaq, orys, aǵylshyn tilderin biledi. Úılengen, eki balasy bar.
«Qurmet», «Parasat» ordenderimen, medaldarmen, Qazaqstan Respýblıkasy Prezıdentiniń Alǵys gramotasymen marapattalǵan, QR UǴA jas ǵalymdar syılyǵynyń laýreaty (1998)
