Aıt namazyn oqý úshin Áziret Sultan meshitine aǵylǵan halyqty arnaıy jasaq kútip alǵan. Qaýipsizdik organdary muny adamnyń kóptigimen, meshitte oryn qalmaýymen túsindirgen.
Polısıa jasaǵynyń áreketine narazylyq bildirgen Syrym Abdrahmanov atty Feısbýk qoldanýshysy arnaıy jasaq jaýyngerimen bolǵan áńgime jazylǵan vıdeony jelige júktedi.
«Sender Aqordany kúzetip turǵan joqsyńdar! Prezıdentti kúzetińder, Úkimet pen Parlamentti kúzetińder! Bul Allanyń úıi ǵoı, nege kirgizbeısińder!», - degen renishin bildiredi S. Abdrahmanov polıseılerge.
Polısıanyń bul áreketi áleýmettik jelide qyzý talqylanýda. Jurtshylyqtyń deni mundaı qaýipsizdik sharalaryn asyra silteý dep baǵalaýda.
