Qyzylorda oblysy men Qytaıdyń Nıńshıa provınsıasy baýyrlas ólkeler bolyp jarıalandy, - dep habarlaıdy Qamshy.kz «Nıńshıa» gazetine silteme jasap.
8 qyrkúıek kúni provınsıa ortalyǵy Inchýan qalasynda Qyzylorda oblysy aýylsharýashylyǵy basqarmasynyń ókili V. Ivanov pen Nıńshıa provınsıasy ákiminiń orynbasary Ýań Hy-shan eki óńirdiń baýyrlastyǵy týraly hattamaǵa qol qoıǵan
Sondaı-aq, sol kúni qytaılyq provınsıa basshylary Rýmynıanyń Ilov aımaǵy men Nıńshıa provınsıasynyń baýyrlastyǵy týraly da hattamaǵa qol qoıǵan. Atalǵan sharaǵa Rýmynıa tarapynan Rýmynıa ulttyq lıberaldar partıasynyń ókilderi, Ilov aımaǵynyń ákimi Marıan Petrake, QHR tarapynan Shet eldermen baılanys qaýymdastyǵynyń vıse-prızdenti Shıe Iýan qatysqan.
Qytaı tarapynan rásimde qol qoıýshy Ýań Hy-shannyń aıtýyna qaraǵanda, taraptar negizinde saýda-ekonomıkalyq, mádenı, ǵylymı baılanystardy arttyrýǵa múddelilik tanytqan.
