29 qazan kúni Almatyda ótetin kásipqoı boksshy Qanat Islamnyń kezekti jekpe-jeginde kásipqoı rıngten Jánibek Álimxanulyn da kórip qalýymyz múmkin, - dep habarlaıdy Qamshy.kz QazAqparatqa silteme jasap.    

«Qanat Islamnyń Almatyda ótetin jekpe-jegin asyǵa kútip júrmin. Bul kúni meni de kásipqoı rıngten kórip qalýlaryńyz múmkin. Alla sátin salsa, 29 qazanda kásipqoı bokstan baǵymdy synap kórsem dep josparlap jatyrmyn. Ázirge qarsylasym belgili bolǵan joq. Kim ekenin naqty belgili bolǵanda aıta jatarmyn. Men kimmen bolsa da, judyryqtasýǵa daıynmyn», - dep atap ótti Jánibek Álimhanuly.

«Kásipqoı boksqa bir jola aýysyp jatyrsyz ba?» degen suraǵymyzǵa: «Ázirge naqty sheshim qabyldaǵan joqpyn. Ony jeke bapkerimmen jáne basqa da ózime qol ushyn berip, kómektesip júrgen aǵalarymmen aqyldasyp aldaǵy ýaqytta sheshetin bolamyz. Qazir ulttyq qurama demalyp jatyr. Osy oraıda kásipqoı bokstan ózimdi synap kóreıin degen nıettemin. Birjola kásipqoı bokstyń esiginen kirip, tórine shyǵam dep sheshken joqpyn áli», - dep jaýap berdi boksshy.