Búgin Parlament Májilisiniń Halyqaralyq ister, Qorǵanys jáne Qaýipsizdik komıtetiniń uıymdastyrýymen «Qazirgi kezeńdegi ekstermızm men terorızmniń aldyn alýdyń jáne olardyń jolyn kesýdiń zańnamalyq jáne ınstıtýsıonaldyq sharalary» taqyrybynda dóńgelek ústel otyrysy ótti, - dep habarlaıdy Qamshy.kz.
Sharaǵa qatysýshylarǵa alǵy sóz arnaǵan Palata Spıkeri Nurlan Nyǵmatýlın elimizdiń qaýipsizdigi men halqymyzdyń beıbit ómiri baǵa jetpes baılyq ekenin, ony saqtap, qorǵap, odan ári damytýǵa úles qosý árbir azamattyń abyroıly mindeti ekenin aıta kelip, osy salada táýelsizdik alǵan kúnnen bastap Elbasymyz Nursultan Ábishuly Nazarbaevtyń basshylyǵymen aýqymdy jumystardyń qolǵa alynyp kele jatqanyna aıryqsha nazar aýdardy.
Alaıda, bul qaterdiń kún ótken saıyn beleń alýy qazirgi kún tártibindegi ózekti suraqtardyń birine aınalǵanyn alǵa tarta kelip, N. Nyǵmatýlın:
-terrorızm men ekstremızm jyl saıyn óte qaýipti máselege aınalyp barady. Bul tek Qazaqstan ǵana emes, búkil álemdegi problema. Sondyqtan, terorızm men ekstremızmge qarsy kúresti kúsheıtý boıynsha Elbasymyz Nursultan Ábishuly Nazarbaev naqty tapsyrmalar berip, onyń oryndalý joldaryn da kórsetti. Eń bastysy, bul máselege búkil qoǵam qatysyp, shynaıy qoldaý bildirip otyr»,-dedi.
Osynyń nátıjesinde, Parlament ashyq pikir júrgizip, sapaly, tıimdi jáne ótkir zań jobasyn ázirleý maqsatynda jumys jasap jatyr. Májilis Tóraǵasy atap ótkendeı, bul Palata úshin erekshe mańyzdy!
Aıta keteıik, zań jobasyn talqylaýǵa Parlament depýtattarymen qatar, tıisti organ ókilderi, úkimettik emes uıymdar men Májiliske kirmegen barlyq partıanyń músheleri, jýrnalıser jáne elimizge belgili saıasatkerler men sarapshylar qatysýda.
Zań aıasynda taǵy da 5 kodeks pen 19 zańǵa ózgerister engizilmek.
