Qazirgi tańda májiliste ekstremızm men terorızmge qatysty keıbir zań aktileri boıynsha birqatar ózgertýler men tolyqtyrýlar talqylanyp jatyr. Kóńil kónshitpeıtin tusy zań bastan aıaq orys tilinde júrgizilip, orys tildegi nusqasy talqylanyp jatyr.
Birden aıta keteıin bul zańda kópshilik kútken "sáláfızmge tyıym salý" máselesi múldem qarastyrylmaıdy. Ol tyıym salynsa, sottyń sheshimimen tyıym salynatyn kórinedi. Talqylanyp jatqan zańda qarý-jaraq, kóshi-qon, terorızmge shaqyrý máseleleri kóbirek qarastyrylǵan. Al ekstrımızdi ıdeologıalyq turǵydan aldyn alý máseleleri múldem joq. Qarý-jaraqqa shekteý qoıý, on kúnnen asa ýaqyt bir jerde turatyn kisini tirkeýge májbirleý máselesi, terorızm jazasynyń qataıtylyp, sottalý merzimin sozý terorızmniń aldyn ala ala ala ma?!. Az ǵana kúrdelendirýi múmkin.
Ólimge daıyn terrorısterdi qandaı zańmen qorqytpaqpyz? Terrorlyq akt jasaıtyn adamnyń bir jerde 10 kún turýynyń túkke de qajeti joq. Qazir bir túndik jalǵa beriletin páterler jetkilikti. Tipti izderin jasyryp, kózge túsip qalmaý úshin olarǵa bir jerde kóp turmaý jaǵy tıimdirek. Zańnyń bul tarmaǵy páterin jalǵa beretin kisilerge, jalpy páter jaǵalap kúnderin ótkizip jatqan kópshilikke qıynshylyq qana týdyrady. Basqa eshteńe emes. Nátıjesi oryndalmaıtyn zańǵa, jemqorlyqqa ulasýy múmkin.
Terrorlyq akt jasaý úshin qarý-jaraqtyń tipti qajeti de shamaly. Sanasy terorızmen ýlanǵan adam áıteýir bir jolyn taýyp, jasaıtynyn jasaıdy. Fransıada aýyr salmaqty júk kóligimen-aq myjyp-janshyp, júzden asa adamnyń janyna qastandyq jasalǵany keshe ǵana. Qajet bolsa, qoldan jarylǵyshty jasaı salady. Zańnyń alǵashqy otyrysynda osy usynystarymdy aıttym. Zańda terorızmge shaqyrýdyń, úgitteýdiń jazasy qataıtylǵan. Bul quptaıtyn nárse. Sálafızmge shaqyratyndarǵa da osyndaı zań kerek.
Meniń usynysym takfırızm men sálafızmge tyıym salýmen qatar, ıdeologıalyq turǵydan qarsy turatyn arnaıy ǵylymı-zertteý ınstıtýty qurylýy qajet. Aıamaı qarjy bólý kerek. Olardyń ár ýájderi men kózqarastaryna, dálel-dáıekterine jeke-jeke júıeli túrde ǵylymı salmaqty materıaldar daıyndaý kerekpiz.
Qaırat Joldybaıulynyń Feısbýktegi paraqshasynan
