Polısıa úsh birdeı azamatty aıýandyqpen óltirgen eki kúdiktiniń Almaty oblysy Jambyl aýdanyndaǵy basqa qylmystarǵa qatysy joqtyǵyn málimdedi, - dep habarlaıdy Qamshy.kz.
«Turǵyndar olar ekeý emes, birnesheý bolǵan. Basqa da qylmystar jasaǵan dep jatyr. Biraq, biz ázirge ondaı málimetterdi anyqtamadyq. Qazir atalǵan qylmys boıynsha eki adam ustaldy, ekeýi de kinálaryn moıyndap otyr. Aıǵaq zattar retinde – mal men myltyq, oqıǵa ornyndaǵy gılzalar tárkilendi», - deıdi Almaty oblysy Jambyl aýdandyq İshki ister basqarmasy bastyǵynyń orynbasary Baqyt Omarbaev.
Buǵan deıin Jambyl aýdanyndaǵy úsh adamnyń ólimine baılanysty aýdanda qylmystyq top áreket etetini týraly habarlanǵan bolatyn.
