Aqtóbede jat aǵymnyń jeteginde ketken on jigit ásker qataryna alynbaǵan. Arnaıy komısıa olardyń dinı kózqarastarynan qorqyp irikteýden ótkizbepti, - dep habarlaıdy Qamshy.kz KTK arnasyna silteme jasap.

Radıkaldardyń qorǵanys salasyna kirip, iritki salýynan qoryqqan quzyrly organdar kúzgi shaqyrylymǵa kelgenderdi jiti súzgileýde. Otan aldyndaǵy boryshyn óteýge mindetti jastardy medısınalyq tekserýge shaqyrmastan buryn jeke isterin tekseredi eken. Eger Ulttyq qaýipsizdik komıteti men İshki ister departamentiniń tizimine ilikkender bolsa áskerge jolatpaıdy. Bıyldyqqa on jigit ekstremıstik ustanymdary úshin, taǵy biri baptıserdiń ýaǵyzshysy bolǵandyqtan áskerden shettetilgen.  

Ádilbek Qultaev, Aqtóbe oblystyq qorǵanys isteri jónindegi departamenti bastyǵynyń orynbasary:

-Áskerge shaqyrmastan buryn er azamattardy syrttaı zerttep, jeke isterin tekseremiz. Ulttyq qaýpsizdik komıteti men İshki ister organdarymen tyǵyz baılanystymyz. Arnaıy tekserý kezinde tirkeýde turǵan- turmaǵany anyqtalady.