Almaty-Óskemen tas jolynda keshe keshkisin kólik apaty bolyp, 4 adam kóz jumdy. 8 adam aýrýhanaǵa jetkizildi, - dep habarlaıdy Qamshy.kz QazAqparatqa silteme jasap.
Qaıǵyly jaǵdaı Almaty -Óskemen tas jolynyń 50 shaqyrymda oryn aldy. Aldyn ala aqparat boıynsha Lexus, Honda jáne Hyundai markaly avtokólikter soqtyǵysqan. Honda avtokóligi joldyń qarsy betine shyǵyp ketken degen boljam bar. Qazir atalǵan fakti boıynsha tergeý jumystary júrgizilip jatyr dep, habarlaıdy Almaty oblystyq İİD baspasóz qyzmeti.
Kóz jumǵan 4 adamnyń ekeýi - áıel, ekeýi - er adam. Barlyǵy eresek jandar. Al, zardap shekkender Ótegen batyr eldi mekenindegi aýrýhanaǵa jetkizildi.
