Almatyda tańerteńnen beri 40 shaqty mýnısıpaldyq avtobýs jolǵa shyqqan joq, - dep habarlaıdy Qamshy.kz Tengrinews.kz – ke silteme jasap.

Tańerteńnen bastap aıaldamalarda turǵan adamdar sany júzden asyp ketken, onyń ishinde avtobýsty kútip turǵan mektep oqýshylary, stýdentter jáne zeınetkerler bar. №30, 32 jáne 121 baǵyttaǵy avtobýstardyń jolǵa shyqpaǵany aıtyldy.

Almaty qalalyq jolaýshylar kóligi jáne avtomobıl joldary basqarmasyndaǵylardyń aıtýynsha, avtobýstardyń jolǵa shyqpaýynyń sebebi - gaz toltyratyn bekettiń isten shyqqan.

"Tańerteńnen bastap maǵan komýnaldyq parkte gaz toltyratyn janarmaı beketiniń isten shyqqanyn baıandap bergen bolatyn. Sondyqtan avtobýs júrgizýshileri gaz toltyryp úlgermegen. Osylaısha isten shyqqan janarmaı beketteri tańerteńgi ýaqytta jóndelip bitken. Operator ózderi úlgeremiz dep oılap, der kezinde dırektorǵa eskertpegen, sondyqtan mynadaı qıyndyqtar týyndap otyr", - dedi Almaty qalalyq jolaýshylar kóligi jáne avtomobıl joldary basqarmasynyń basshysy Maqsut Isahov.

Onyń málimetinshe 40-qa jýyq avtobýs gaz toltyryp úlgermegen. "Qazirgi ýaqytta olar janarmaı quıyp alyp, jolǵa shyǵyp jatyr", - dedi Isahov. 

Alaıda basqa baǵytta júretin júrgizýshiler men kondýktorlardyń aıtýynsha, olar jospardyń kóbeıtilgenine baılanysty shyqpaı otyr eken. Basqarmada bul málimetti joqqa shyǵardy.