Anglıanyń joǵary klasty uıaly telefondar óndiretin Vertu kompanıasy Qazaqstanǵa arnaıy smartfondar shyǵardy, dep habarlaıdy Qamshy.kz Vaq.kz. saıtyna silteme jasap.

Bes danadan turatyn lımıttelgen toptama Qazaqstan táýelsizdiginiń 25 jyldyǵy qurmetine arnaıy jasalypty.

Jańa telefonnyń artqy paneline Qazaqstannyń memlekettik sımvoldary – kún men onyń astynda qalyqtaǵan qyran oıyp salynǵan. Kúnniń ortasynda «25» sany beınelenipti, al onyń astynda «Anniversary of Kazakhstan» degen jazý bar. Tipti tigisterine de elimizdiń týyndaǵy kók jáne sary túster qoldanylǵan eken.

First Media Group kompanıasynyń málimetinshe, telefon joǵalǵan jaǵdaıda buǵattaýǵa, ony tabýǵa, jeke málimetterdi óshirýge bolady.

Smartfon qansha turatyny ázirge belgisiz. Mysal úshin aıtsaq, smartfondar naryǵyna enip úlgergen Apple iPhone 7 Plus elimizde 650 000 teńge turady. Eksklúzıvti Vertu odan birneshe ese qymbat bolatyny sózsiz.