Microsoft-tyń málimdemesi boıynsha, osy jyldyń shilde-qyrkúıek aılarynda, 2017 jyldyń qarjylyq kalendarynda birinshi shırek bop qabyldanǵan mezgilde kompanıanyń taza túsimi men paıdasy artty.

Kompanıanyń túsimi, shilde-qyrkúıek maýsymynda %3,1 ulǵaıyp,  22,33 mıllıard dollardy quraǵan. Microsoft, ótken jyldyń uqsas maýsymynda 21,66 mıllıard dollar túsimge ıe bolǵan edi.

Ótken jyldyń osy ýaqytynda 5,38 mıllıard dollar taza paıda tapqan bolsa, osy jyly uqsas mezgilde %11,3 –ǵa artyp, 5,99 mıllıard dollarǵa shyqqan.

Microsoft-tyń  2017 qarjylyq jyly birinshi maýsymynda taza paıda men túsimderi ulǵaıǵan soń, kompanıanyń aksıalarynyń jeke quny  New York bırjasynda %6,1 artyp,  60,75 dollarǵa qymbattady.

Buǵan deıin kompanıa qundy qaǵazdarynyń qymbatýynyń eń sońǵy rekordy  1999  jyldyń 30 jeltoqsany bolatyn. Ol kúni, qundy qaǵazdyń jeke bas quny 59,97 dollarǵa kóterilip, kúndi 59,56 dollarmen aıaqtaǵan bolatyn.

Osylaısha, Microsoft-tyń aksıasy beısenbi kúni  60,75 dollarǵa talpynyp, kompanıa tarıhyndaǵy eń joǵary deńgeıge jetti. Mamandardyń aıtýynsha, búgin, ıaǵnı juma kúni de aksıa qymbattaı túsýi múmkin.