Ústimizdegi jyldyń 20 qazan kúni Shymkent qalasynda komýnaldyq qyzmetter tarıfiniń ósýine baılanysty qala turǵyndarymen jıyn ótkizildi dep habarlaıdy qamshy.kz portaly azattyq.org saıtyna silteme jasap. Jylý baǵasynyń kóterilýin qoǵamdyq talqyǵa salýdy usynǵan Súıin Abýlda esimdi jigit sheneýnikter tarapynan qoldaýǵa ıe bolmady. OQO monopolıalardy retteý jáne básekelestikti qorǵaý departamenitiniń basshysy Baqtıar Atalyqovtyń aıtýy boıynsha atalmysh azamat minberge shyǵyp, búkil qala turǵyndarynyń atynan sóıleýge quqysy joq. Ondaı quqyqqa tek halyq qalaýlary ıe dedi de Atalyqov myrza jigitti jıynnan qýyp jiberdi.

Súıin Abýldanyń jan aıqaıyna tek Sharýa Pirmat esimdi profesor ǵana qulaq túrip, jaqtasyp sóıledi. "Qazaqtyń jeri tunyp turǵan baılyq. Bári bizdiki. Taban astymyzda. Soǵan qaramastan baǵalar nege kóterilýde?" degen profesordyń muńy, shaǵymy eleýsiz qaldy.