Qazaqstandyq rejıser Nurtas Adambaı Ninety one tobyn jaqtap sóıledi. Ol atalǵan topqa konsert ótkizýge tyıym salǵan ákimderdi ájýalady.

Bul týraly Qamshy.kz Stan.kz –ke silteme jasap habarlaıdy.

91 tobynyń aınalasyndaǵy daý áli kúnge deıin tolastar emes. Buryn-sońdy jaǵymsyz pikirlermen shekteletin adamdar, endi atalǵan toptyń óner kórsetýine kedergi jasap jatyr. Kúni keshe 91 tobynyń Qyzylorda qalasyndaǵy konserti ótpeı qaldy. Osy jaǵdaıǵa qatysty Nurtas Adambaı pikir bildirdi.

“Qaraǵandy men Jezqazǵan qalalarynyń ákimi 91 tobyna konsert ótkizýge tyıym salǵan eken. Munyń ornyna jemqorlyqpen dál osylaı kúresse jaqsy bolatyn edi”, – dep jazady Nurtas Adambaı óziniń feısbýk paraqshasynda. Rejıserdiń bul jazbasyna 1 000-nan astam adam lúpil basyp, 100-ge jýyq adam pikir bildirdi.

“Men Korean pop janryndaǵy ánderdi Ninety one  toby paıda bolmaı turyp 10 jyldan beri tyńdap kelemin. Atalǵan topty tyńdaǵannan men qyzteke bolyp ketken joqpyn. Súıikti tobymdy kórýdi áli de armandap júrmin. Bizdiń de ózimizdiń pop tobymyz paıda boldy. Olardyń sapaly áýenderin januıamyzben birge otyryp tyńdaımyz”, “Ninety one toby báribir kúshti! Bul maıda kıkiljińder olardy qaıraı túsedi”, “Men de 91 tobyn tyńdaımyn. Almaty qalasynda turatynyma qudaıǵa shúkir!” deıdi jeli qoldanýshylary.