Qazannyń 21 kúni Ál-farabı atyndaǵy qazaq ulttyq ýnıversıteti,  fılosofıa jáne saıasattaný fakúltetinde «Qazirgi Qazaqstandaǵy dinı jaǵdaı jáne onyń  BAQ betterinde aqparattandyrýy» máseleleri taqyrybynda ǵylymı-praktıkalyq semınar ótti. Semınar jýrnalıser, dintanýshy jáne saıasattanýshy ǵalymdar arasynda pikir almasý formatynda júrgizildi. Dintanýshylar men sásattanýshylar qazirgi el ishi jáne shet elderdegi bolyp jatqan dinı hám saıası ózgeristerdi keńinen baıandap berdi. Sonymen birge dinı aqparat taratýdyń mańyzdylyǵyna toqtalǵan olar, baspasóz betterinde ásirese, dinge qatysty aqparattar leginde olqylyqtar kezdesip qalatynyn jasyrmady.

Din-ıdeologıalyq qarý spetti, ony sol salada mamandanǵan jýrnalıser jazýy kerek desti jınalǵandar. Olardyń aıtýynsha qalam ustaǵan qaýym ıeleri jazǵan materıaldar dintanýlyq sarpatamadan kóri kóbine-kóp nasıhattylyǵy basym ýaǵyzǵa aınalyp ketetin kórinedi. Fılosofıa jáne saıasattaný fakúlteti dekanynyń orynbasary, fılos.ǵ.k., dosent Bekjan Meıirbaev salalyq jýrnalısıka boıynsha dintanýlyq jýrnalısıkanyń da ashylyp qalý múmkindigi bar ekendigin, bolashaqta bul qadam mindetti túrde kúntizbelik josparǵa kiretinin aıtyp otyr. Dintaný jáne mádenıettaný kafedrasynyń meńgerýshisi,  fılos.ǵ.d., profesor Aınur Qurmanalıeva., fılos.ǵ.d., profesor Naǵıma Baıtenovalar atalmysh taqyryp boıynsha baıandamalar jasady. Taqyryp jan-jaqty talqylanyp, jýrnalıser tarapynan din salasyna qatysty búgingi kúnniń  ózekti suraqtary qoıylyp, usynystar aıtyldy.