Sándi syrt kıimder áıelder úshin eń mańyzdy element bolyp tabylady. Kúz ben qys — palto, ton, plashtardyń maýsymy. Kún sýytyp, qar túsken salqyn mezgil jaqyndaǵandyqtan jańa maýsymnyń jap-jańa trendterin sizderge usynýdy jón kórdik!
Sándi keıp. Poncho stılindegi palto, plash, jamylǵyshtar – eski dástúrdi zamanaýı úlgide jańartatyn syrt kıimniń bir túri bolyp tabylady. Sonymen qatar keıpter pishinińizdegi kemshilikteri jasyryp, ony kerisinshe ádemi etip kórsetedi.
Halat tárizdes palto. Kımono dızaınerlerdi sándi halat, kóılek tárizdes qatparly syrt kıimderdi shyǵarýǵa shabyt berdi. Sondyqtan túıme, beldik, ilgek sıqty elementter osy maýsymdaǵy paltolardyń odan ári sándirek kórinetinine úlesin qosady.
Ashyq tústegi tondar. Salqyn mezgildegi qalypty bolyp qalǵan sur tústerden aırylýdyń bir túri. Eger kóńilińizdiń kóterilip júrgenin qalasańyz syrt kelbetińizden bastańyz.
Órnektelgen paltolar. Eger birsaryndy tústegi syrt kıimdi kıgińiz kelmese, topta birden kózge túsýdi qalasańyz tómendegideı erekshe fasondaǵy órnektelgen, ártúrli qyzyqty sýrettermen ózgeshelengen paltolardy tańdańyz.
Laktalǵan plash. Dızaınerler kúmis jáne altyn tústerdi osy maýsymnyń basty trendi dep tanydy. Al eger siz qarapaıym nusqany qalasańyz lak nemese vınıl materıaldardan quralǵan paltony tańdaǵanyńyz abzal.
Hakı túsindegi syrt kıimder. Hakı túsi bıylǵy jyldyń basty trendine aınaldy. Bul túste kóılekter, beldemsheler, kúrtelerdi taba alasyz.
Mılıtarı stıli. Mılıtarı stıli jyldan jylǵa jandanyp, ártúrli fasondarǵa ıe bolyp kele jatyr. Mılıtarı stıline kóbine ámbebaptyq tán.
Klasıkalyq elegantty palto. Paltonyń klasıkalyq bul túri- máńgi trendte. Sebebi, bul syrt kıimdi sporttyq úlgi úshin de, keshki kezdesýge de kıip bara alasyz. Eń bastysy qarapaıymdylyq pen sándilik bir sarynǵa toǵysqan.
Trench. Eski trench stıli qaıta oralǵanymen, onyń naqty úlgisi zamanaýı úlgige enip ketkendeı. Jańa trenchti tańdap, jańa sánge boı buryńyz.
Materıal Ikerim.kz saıtynan alyndy
