«Teńgeniń erkin aıyrbas baǵamy saıasaty valútalyq qorymyzdy saqtap qalyp qana qoımaı, qalpyna keltirýge múmkindik berdi. Qyrkúıek aıy boıynsha, Ulttyq banktiń altynvalútalyq qory 2,9%-ke ósip, $31,4 mıllıardty qurady». Ulttyq bank tóraǵasy bul týraly SHQO óńirlik komýnıkasıa qyzmetinde ótken baspasóz konferensıasynda málim etken.

Sondaı-aq, bas bankırdiń sózinshe, Ulttyq qordyń valútalyq aktıvteri qyrkúıek qortyndysy boıynsha $64.4 mıllıardty qurady. Eldiń halyqaralyq rezervi bolsa, satyp alýlar boıynsha $95.8 mıllıardqa jetti.

«Qarjy naryǵyndaǵy baqylaýdaǵy jaǵdaıdyń ekonomıkalyq oń áseri bizge Qazan aıynyń basynda bazalyq stavkany 12,5%-ǵa túsirýge yqpaly etti. Jaqyn ýaqytta ekonomıkalyq aýytqýlar bola qoımady», - dep tolyqtyrǵan ol óz sózin.

Ulttyq bank basshysy Óskemenge halyqaralyq  «Altaı Invest-2016» ınvestısıalyq  forýmyna qatysý úshin barǵan.