Qytaıdyń áleýmettik jelilerinde Qazaqstanǵa keler vıza elshiliksiz-aq 200 myń teńgege saýdalanyp jatyr. Bul týraly "Qamshy" aqparattyq portaly Ertaı Núsipjannyń áleýmettik jelidegi jazbasyna silteme jasap habarlaıdy. Ol, jazbasynda, "Bizdiń elge arnalǵan bir aılyq týrısik vızany Qytaıdyń qunar.com áleýmettik saıtynda ashyq túrde qytaılar satyp jatyr. Onda vıza jasatýdyń áýre-sarsańyna qaraı ártúrli baǵa qoıylǵan. Mysaly, Qytaıdaǵy Qazaqstannyń konsýldyq qyzmet departamentterine barmaı-aq (sobesedovanıesiz) vıza alý qyzmetiniń quny 4000 ıýán (shamamen 200 000 teńge) dep kórsetilgen", -dep jazady. Dıplomatıalyq prınsıp boıynsha, vıza alýshy azamat, vıza beretin eldiń elshiliginde qujattyq dıalogtan ótýi tıis.

Esterińizge sala ketetin bolsaq, Qazaqstanda kelesi jyly ótetin "Expo-2017" ulttyq kórmesine Qytaıdan mıllıon týrıs keledi dep kútilip otyr.