Masqara! Halyqaralyq Olımpıadalyq komıtet Lozanna qalasynda ótken tártiptik máseleler boıynsha otyrysynda jarys kezinde dopıng qoldanǵany úshin Qazaqstannyń aýyr atletıkadan qurma komandasynyń bes birdeı múshesin Olımpıada jeńimpazy ataqtarynan aıyrdy. Olımpıada oıyndarynyń jeńimpazy bolǵan Ilá Ilınniń (2008 jyl – altyn, 2012 jyly – altyn), Zýlfıa Chınshanlo (2012 jyly – altyn), Maııa Maneza (2012 jyly – altyn) jáne Svetlana Podobedova (2012 jyly – altyn) medaldary qaıtarylyp alynatyn boldy! 
Endi tekserý qorytyndylary boıynsha osy aıyppen Marıa Graboveskaıa – qola, Irına Nekrasova – kúmis medaldarynan aıyrylýy yqtımal.

Komandanyń osyndaı jaǵymsyz jaǵdaıǵa ushyraýy bul sportshylardyń jekelegen qatelikterinen emes, basshylyq tarapynan aldyn ala ádeıi uıymdastyrylǵan áreketten týyndaǵany baıqalady. Sport tóńireginen nan taýyp júrgenderdiń aıtýynsha elimizdi dopıng-daýǵa uryndyrǵan aýyr atletıkadan Qazaqstan qurama komandasynyń bas jattyqtyrýshysy Alekseı Nı kórinedi. Bas jattyqtyrýshyny da, onyń Aqordadaǵy jelep-jebeýshilerin de jarǵa ıtermelegen qazaqstandyq «PONT» sıaqty.

Qalaıda Elbasy aldynda jaqsy attanýshylyq, kesertkedeı kúmpıýshilik, bolmaǵandy boldyrtýǵa tyrysýshylyq Qazaqstandy búkil álem aldynda osyndaı uıatty jaǵdaıǵa uryndyrdy.

«Ár nársede bir qaıyr bar» degen. Bılik basyndaǵylar budan tez arada laıyqty qorytyndy shyǵarýlary qajet dep esepteımin.

1. Eń aldymen ulttyq quramalar basshylyǵyna qazaqtar qoıylsyn! Endi Nı sıaqtylardan paıda joq.

2. Shetelderden legıoner tartý toqtatylsyn! Óz sportshylarymyz dopıngsiz-aq, aqsha suramastan ult namysy úshin jarys alańyna shyǵa alady.

3. Ulttyq quramalarǵa óz ultymyzdyń ókilderi kóptep tartylsyn!

4. HOK-ke testilik saraptama nátıjeleri Olımpıada oıyndary ótken soń birneshe jyldan keıin emes týra jarys aldynda jarty saǵat buryn habarlanýy týraly usynys jasalynsyn! Bul dopıng qoldanǵandardy jarysqa qatysý múmkindigin aıyrady.

Marat Toqashbaevtyń Feısbýktegi paraqshasynan alyndy