AQSH-tyń Memlekettik departamenti Ystambuldaǵy bas konsýldyq qyzmetkerleriniń otbasylaryna qalany tastap shyǵý týraly buıryq berdi, - dep habarlaıdy Qamshy.kz.

Bul týraly Memlekettik departament saıtynda jarıalandy.

Mundaı áreketti AQSH bıligi amerıkandyqtarǵa shabýyl jasalý qaýipimen túsindirip otyr. Buǵan deıin Túrkıada júrgen AQSH azamattaryna halyq tyǵyz shoǵyrlanǵan oryndarǵa barmaý týraly keńes berilgen bolatyn.

«Ystambuldyń AQSH azamattary jıi baratyn, mekendeıtin oryndarda ekstremıstik toptardyń shabýyl jasaýǵa baǵyttalǵan agressıvti áreketteri jalǵasýy týraly aqparattarǵa baılanysty Memlekettik departament osyndaı sheshim qabyldady», -delingen ol habarlamada.

Sonymen qatar, habarlamada bul tapsyrma tek Ystambuldaǵy Bas konsýldyqqa ǵana qatysty ekendigi, Túrkıadaǵy basqa dıplomatıalyq ókildikterge bul tapsyrmanyń mindettelmeıtini aıtylǵan.

Vedomstvo sondaı-aq, Túrkıada sońǵy ýaqytta bolǵan lańkestik áreketter men ustalǵan, tutqyndalǵan amerıkandyqtardyń konsýlǵa habarlasý múmkindikterin shekteý oqıǵalaryna da nazar aýdartqan.