Batys Qazaqstanda táýlik boıy tolassyz jaýǵan qar aǵash butaqtaryn syndyryp, elektr jelilerin zaqymdady. Qazir tórt aýdannyń turǵyndary jaryqsyz otyr. Oblystyń komýnaldyq qyzmet tótenshe jaǵdaı saldaryn joıyp jatqanymen, jumystary ónetin emes.
Bul týraly KTK arnasy habarlaıdy.
Buǵan deıin tótenshelikter Batys Qazaqstan oblysy boıynsha aýa raıynyń kúrt sýyıtyny jaıynda eskertý jasaǵan. Óńirde kúni boıy jaýǵan qarǵa jyldamdyǵy sekýndyna 20 metrge deıin jetetin jel qosylyp, arty aq tútek boranǵa aınaldy. Mamandardyń aıtýynsha, bir táýliktiń ishinde bul aımaqqa aq ulpanyń on kúndik mólsheri túsken. Tabıǵattyń mundaı tosyn syıyna oblys ortalyǵynyń komýnaldyq qyzmeti de daıyn bolmaı shyqty. Bar tehnıkasy men 300-deı jumys qolyn jumyldyrǵanymen kóshelerdi qardan tazalap úlgerer emes. Qar aǵash butaqtaryn syndyryp, elektr jelilerin de zaqymdaǵan.
Nurjan Qajkenov, BQO TJD bólim bastyǵy:
-Aǵashtardyń qulaýynyń sebebinen elektr energıasynyń jelileri úzilip, sonymen qazirgi ýaqytta Zelenov aýdany Darınsk aýylynda 302 abonent jáne Terekti aýdany Bogdanov aýdanynda 257 abonent qazirgi ýaqytta elektr qýatynsyz qalýda.
