Energetıka mınıstri Bozymbaev qazirgi kezde elimizge ımporttyq janarmaı kóptep kelip jatqany týraly aıtty. Reseıde janarmaı baǵasy Qazaqstanǵa qaraǵanda qymbattaý bolǵandyqtan, eki eldiń janarmaı baǵasynyń naryqtaǵy úlesteri qubylmaly bolyp tur. Kóptep shyǵaryla bastaǵan jaǵdaıda janarmaı baǵasy on kún shamasynda qalpyna kelmek. Bul týraly Qanat Bozymbaev Úkimet otyrysynyń qorytyndysyna arnalǵan baspasóz konferensıasynda aıtty. 

«AI-92 markaly janarmaı baǵasy sál qymbattady. Buǵan qatysty úsh másele bar. Birinshisi – Shymkent munaı zaýyty qazir kúrdeli jóndeýden ótkizilýde. Ony 12-qarashada ske qosý josparlanǵan. Bul kúrdeli jóndeý qaıta jańǵyrtý aıasynda júrgizilýde, sebebi zaýytta qajetti jańa qurylǵylar iske qosylyp jatyr. Zaýyt iske qosylǵan soń AI-92 markaly janarmaı kóbirek shyǵarylatyn bolady. Bul onyń baǵasyna óz áserin tıgizedi degen oıdamyn», – dep málimdedi Bozymbaev.

Onyń aıtýynsha, 20 kún buryn janarmaı shyǵaratyn Pavlodardaǵy munaı hımıasy zaýytynda tehnologıalyq buzýshylyq oryn alǵany týraly da málimdedi. Tıisinshe, bul jerde de jóndeý jumystary júrgizilgen.

«Zaýyt 2-3 kúnniń ishinde iske qosylsa, joǵary oktandy janarmaı qazirgiden tómen, óziniń baǵasymen kóbirek shyǵarylyp, esesine naryqqa da kóbirek keletin bolady. Sonda janarmaı naryǵyndaǵy baǵa retteledi», – dedi Q.Bozymbaev.