Ál-Farabı atyndaǵy QazUÝ ýnıversıtetinde Semeı ıadrolyq polıgony jabylýynyń 25 jyldyǵyna oraı «Jastar ıadrolyq qarýsyz álemi úshin» stýdenttik forýmy ótti, - dep habarlaıdy Qamshy.kz.
Stýdenttik forým jumysyna QazUÝ rektory Ǵalym Mutanov, halyqaralyq «Nevada-Semeı» antıadrolyq qozǵalysynyń prezıdenti Oljas Súleımenov, antıadrolyq qozǵalysynyń ardagerleri, Almaty qalasynyń JOO jastar uıymdarynyń jetekshileri qatysty.
«Memleketi basshysy Nursultan Nazarbaev ıadrolyq qarýdy synaqtan ótkizýge tyıym salý, qarý-jaraqty taratpaýǵa qatysty birsypyra jahandyq usynystaryn jasaǵan bolatyn. QazUÝ stýdentteri túrli jobalarǵa, aǵartýshylyq is-sharalarǵa qatysý arqyly Prezıdenttiń jahandyq usynystaryn qoldaý jónindegi qozǵalysyna belsendi aralasýda. Bul «Atom», «Jasyl kópir»,jahandyq qýat- ekologıalyq strategıa, «XXI ǵasyr» bitimgershilik baǵdarlamalary: soǵyssyz beıbitshilik»,-dep atap ótti QazUÝ rektory Ǵalym Mutanov.
Kezdesý barysynda Oljas Súleımenov jahandyq qaýipsizdik pen beıbitshilik qaǵıdalaryn keńinentaratýdyń mańyzdylyǵyna toqtaldy. «1991 jyldyń 29 tamyzynda Semeı ıadrolyq polıgonynyń jabylýy táýelsizdiktiń birinshi qadamy boldy. Shırek ǵasyr buryn qazaqstandyqtar ıadrolyq qarýdy taraptaý jáne qarýsyzdandyrý qozǵalysyn bastap ketti. Búginde álemdegi bes polıgonnyń úni óship tur. Bul birinshi kezekte Qazaqstannyń jasaǵan eńbeginiń zor jemisi»,-dedi «Nevada-Semeı» antıadrolyq qozǵalysynyń prezıdenti Oljas Súleımenov.
Ál-Farabı atyndaǵy QazUÝ-da ótken forýmda, «Nevada-Semeı» jastar qozǵalysy qanatynyń tusaý keseri ótti. «Iadrolyq zulmatpen kúres jalǵasýda, endi, biz-ardagerler, estafetany jastardyń qolyna beremiz»,-dedi Oljas Súleımenov. Jas adamdardyń roli men olardyń múmkindikterin aıta otyryp, qoǵamdyq qaıratker men aqyn QazUÝ stýdentteriniń jahandyq antıadrolyq qozǵalysyndaǵy beıbitshilik mısıasyn tolyǵymen qoldady.
«Qazaqstan joǵary oqý oryndary arasyndaǵy ál-Farabı atyndaǵy QazUÝ ýnıversıtetiniń kóshbasshylyǵyn eskere otyryp, ıadrolyq qaýipsizdik máselelerin jáne nevadalyqtardyń ósıetteri men bastamalary qoldap otyrǵan ýnıversıtet stýdentteri el jáne búkil dúnıejúzi jastaryn planetanyń turaqty damýyúshin jáne ıadrolyq qarýdy taratýǵa qarsy kúreste birigýge shaqyrady»,-dedi «Nevada -Semeı» jastar uıymynyń jetekshisi Gúljanat Tanabekova. Bir aıta keterligi, jastar uıymy qanatynyń qyzmeti jastar sanasynda ıadrolyq qarýlandyrýdy toqtatý, álemde ıadrolyq qarýsyz beıbitshilik ómir súrý ıdeıalaryn nasıhattaýǵa arnalǵan.
Forýmda Almaty qalasynyń jastary QazUÝ stýdentteriniń ıadrolyq qarýǵa qarsy jańa deńgeıdegi kúres pen beıbit ómir estafetasyn jalǵastyrý jóninde úndeý qabyldady. Jahandyq bastamany Almaty qalasynyń barlyq jastar uıymdarynyń jetekshileri qoldap, «Nevada-Semeı» uıymynyń jastar qanatynyń bólimshelerin óz ýnıversıtetterinde qurýǵa daıyn ekendikterin jetkizdi. Ál-Farabı atyndaǵy QazUÝ turaqty damý men beıbitshiliktiń mańyzdy qundylyqtaryn nasıhattaýǵa arnalǵan is –sharalaryn udaıy uıymdastyrýda.
