Ál-Farabı atyndaǵy QazUÝ men IýNESKO arasyndaǵy yntymaqtastyq sheńberinde Almatyda IýNESKO-nyń (SACAM) Ońtústik jáne Ortalyq Azıa bıosferalyq rezervattar jelisiniń «Bıosferalyq rezervattar jáne turaqty damý» atty 8-shi otyrysy ótti. Talqylaýdyń basty taqyryby «Adam jáne bıosfera» (MAB) IýNESKO baǵdarlamasynyń 2016-2025 jyldaryna arnalǵan Lıma josparyna arnaldy, - dep habarlaıdy Qamshy.kz.
«QR aýyl sharýashylyǵy vıse-mınıstri Erlan Nysanbaevtyń atynan QR IýNESKO jáne ISESKO isi boıynsha bas hatshysy Asel Ýtegenova kezdesýdi ashty. «Aýyl sharýashylyǵy mınıstrligi erekshe qorǵalatyn tabıǵı aýmaqtardy arttyrý ústinde, bıosferalyq rezervattar arnaıy bólimshe bolyp tabylady. Qazaqstanda bıosferalyq rezervattardyń alǵashqysy 2012 jyly IýNESKO birinshi ret Qorǵaljyn memlekettik qoryǵynyń qazaqstandyq ótinimin qabyldanǵanda paıda boldy. Búgingi kúni respýblıka boıynsha olar altaý» - dep Asel Ýtegenova vıse-mınıstrdiń baıandamasynda atap ótti.
Spıkerler men baıandamashylar tabıǵı ortanyjáne bıologıalyq resýrstardy zertteýde elimizdiń ǵalymdarynyń uzaq merzimdi jumysyn joǵary baǵalady jáne MAB baǵdarlamasyn damytýǵa erekshe nazarlarynaýdardy. Ál-Farabı atyndaǵy Qazaq ulttyq ýnıversıtetiniń rektory Ǵalym Mutanov óz sózinde, «ǵalamsharymyzdyń bıologıalyq alýantúrlilikti saqtaý, jerdiń turaqtylyǵy úshin eń mańyzdy ekologıalyq faktorlar adamzat qoǵamynyń damýynyń ajyramas bóligi bolyp tabylady» - dep atap ótti. Rektor ulttyq ýnıversıtet«Adam jáne bıosfera» baǵdarlamasyn belsendi túrde jahandyq jáne ulttyq deńgeıde júzege asyryp jatqanyn atap ótti.
Buǵan dálel MAB-tyń Lıma is-qımyl josparynyń jáne jahandyq strategıanyń 12 ázirleýshisiniń biri bolyp bizdiń ýnıversıtetimizdiń turaqty damý boıynsha IýNESKO kafedrasynyń profesory, sondaı-aq MAB Qazaqstandyq ulttyq komıtettiń tóraǵasy Roman Iashenko bolyp tabylady. MAB Qazaqstandyq ulttyq komıtettiń quramyna ál-Farabı atyndaǵy QazUÝ-dyń tórt qyzmetkeri kiredi, olar geografıa jáne tabıǵatty paıdalaný fakúltetiniń dekany Vıtalıı Salnıkov, kafedralardyń basshylary Haını-Kamal Qasymhanova, Gúlnar Núsýpova jáne dosent Dılára Výdvord.
Barynsha áserli bolý úshin halyqaralyq sarapshylardyń qatysýy qajet. Olardyń kópshiligi, mundaı aýqymdaǵy kezdesýler aımaqtaǵy máselelerge naqty málimdeme beredi dep esepteıdi. «Men sizderge bizdiń jumysymyzdyń mańyzdylyǵyn egjeı-tegjeıli aıtpaımyn, biraq birinshi kezekte bizdiń iske birneshe elderdiń qosylýyna alyp kelgen ótkizilgen sharalardyń tıimdiligin atap ótkim keledi. Al bul úlken nátıje!» - dep Nú-Delı shtab-kvartırasynan SACAM hatshysy Ram Býj aıtty.
Kezdesý barysynda Qazaqstanda qoldanystaǵy 6 bıosferalyq rezervattar týraly baıandamalardy, sondaı-aq Qazaqstannan Qarataý qoryǵyn jáne Altyn-Emel Ulttyq saıabaǵyn IýNESKO-nyń bıosferalyq rezervattar dúnıejúzilik jelisine engizý týraly eki jańa ótinimderdi joǵary baǵalady. «Uıymdastyrý komıtetiniń birlesken jumysynyń jáne jahandyq máselelerdiń sheshimin tabýǵa konferensıa delegattarynyń umtylysynyń arqasynda bul kezdesý jaqsy ótti, ásirese Qazaq Ulttyq ýnıversıteti kezdesýdiń joǵarǵy deńgeıde ótýine zor úlesin qosty» - EQU ǵylymı qorynyń profesory Manzýr Sýmro dedi.
Kezdesý barysynda, árbir qatysýshyelderózderiniń rezervattardy saqtaý týraly aralyq jáne qorytyndy nátıjeleri boıynshaesepterin berdi. Keıbir baǵdarlamalardyń úılestirýshileri jumysyna sińirgen eńbegi úshin MAB hatshysy, IýNESKO-nyń Klasterlik búrosynyń, ǵylymı baǵdarlamalarynyń mamany Marı Prhalova qolynan dıplomdar aldy. «Bıosferalyq rezervat Altyn Emel» nomınasıasyn daıyndaý boıynsha jumystarǵa ál-Farabı atyndaǵy QazUÝ stýdentteriniń qatysýy Qazaqstandyq ulttyq geografıalyq qoǵamynyń tarapynan qoldaý tapty.
