QR ASHM Veterınarlyq baqylaý jáne qadaǵalaý komıtetiniń tóraǵasy S.Hasenov ustaldy,  - dep habarlaıdy Qamshy.kz Baq.kz saıtyna silteme jasap.

«Sybaılas jemqorlyqqa qarsy is-qımyl ulttyq búrosy birneshe márte para alǵany úshin QR Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy S.Hasenovti ustady», - dep málimdedi jemqorlyqqa qarsy qyzmettiń baspasóz qyzmetinen.

«Komıtet tóraǵasy S.Hasenov buǵan deıin mınıstrlikte jumys istegen senimdi tulǵasy E.Reshetkomen aldyn ala kelisip, Qazaqstan aýmaǵyna et ónimderin ákelýge ruqsat berý boıynsha qylmystyq jospar qurǵan. S.Hasenov belgilengen baǵa boıynsha júıeli túrde para alyp otyrǵan. Osylaısha, «Hladolend» JSHS basshylarynan bes mln teńge mólsherinde para alý kezinde S.Hasenov pen E.Reshetko qolǵa tústi. Ekeýi de kinásin tolyǵymen moıyndap otyr», - delingen habarlamada.

Qazirgi tańda S.Hasenov Astana İİD ýaqytsha ustaý abaqtysyna qamaldy. Sotqa deıingi tergeý júrip jatyr.