Aptanyń aıtýly úsh oqıǵasyna qatysty pikir surap jatyr biraz aǵaıyn. Bárine birdeı jeke jaýap bereıin desem, ýaqyt tyǵyz ári qaıtalaý bop ketetin sıaqty. Onyń ústine bir-birinen aýmaıtyn jaýaptar berip jatsam, «eksklúzıvti» túrde jaýap surap jatqan BAQ-tan uıat.
Sondyqtan qysqasha ortaq jaýap.
Olımpıada chempıondarynyń dopıng qabyldamaǵany shyn bolsa, olar aıqaılap júrip, halyqaralyq sotqa júginýi kerek edi. Júgine qoımady. Kóńilde qaıaý qaldy...
Tuńǵyshbaı Jamanqulov óz kinásin moıyndaǵanynyń vıdeosyn kórgim keledi. Sosyn mádenıet mınıstrin aıyptap sóılegen vıdeosymen salystyrar edim. Eki adamnyń arasyndaǵy daýdy sot sheshý kerek deımiz, biraq bizdegi sottyń jaıy beseneden belgili ǵoı. Onyń ústine belgili ártistiń basqa kezde emes, naq osy mınıstrdi synaǵannan keıin ǵana jaýapqa tartylýy da ártúrli oılarǵa jeteleıdi...
Sóz joq, Q árpin memleket ataýynda zańdastyrý lıngvısıkalyq qana emes, geosaıası astary men sebepteri bar. Osy sebepti bul bastamany qoldaımyn. Biraq, qazaq eliniń qazirgi tańda bir áripten basqa da mańyzdy problemalary bar dep sanaımyn.
Saıasatker, jýrnalıs Ámirjan Qosanov
