Shymkentte azyq-túlik beldeýi qurylatyn bolady. Bul jóninde Ońtústik Qazaqstan oblysynyń ákimi Beıbit Atamqulov Elbasy tapsyrmalarynyń oryndalýyna arnalǵan keńeıtilgen otyrysta málim etti. Bul keńeıtilgen otyrysta aýyl sharýashylyǵyna asa úlken mán berilgenin aıta ketken jón.

         Sonymen qatar, jıynda Shymkent qalasynyń ákimine shahardyń damý josparyna qatysty birqatar tapsyrmalar júkteldi. Aglomerasıalardy damytý aıasynda oblys aýdandary men Shymkent qalasynyń arasynda aýyl sharýashylyǵy ónimderin qaıta óńdeý boıynsha óndiristerdi qurý máselesi talqylanyp, onyń mán-jaıy sóz boldy. Buǵan qosa  halyqty azyq-túlikpen qamtamasyz etý jónindegi memorandýmdarǵa qol qoıylatyn bolady. «Qalany azyq-túlikpen qamtamasyz etetin agrarlyq sektorda shaǵyn jáne orta bıznes beldeýin qurýdy tapsyramyn. Sonymen qatar, jasyl beldeý qurý maqsatynda baqtar men orman aımaǵyndaǵy jerlerge tolyq tekserý júrgizilsin», - dedi ol.  Iaǵnı, oblys basshysy jasyl beldeý qura otyryp, agrobıznesti damytýǵa kóńil bólý kerektigine toqtalyp otyr. Agrobıznesti damytý bul birinshiden, óńir tynysyna jańa dem berý, jańa jumys oryndary ashylady degennen shyǵatyn uǵym ǵoı. Rasynda bul óz kezeginde aýyl sharýashylyǵyn damytýǵa úlken serpin, jańasha kózqaras beretini aıdaı anyq.

Sondaı-aq, Elbasynyń tapsyrmalaryna oraı, óńirdiń jáne aýdan, qalalardyń aımaqtyq damý kartasy jasalady.
http://www.inform.kz/