UBT-nyń jańa formaty orta mektepterge "Altyn belgini" attestasıa qorytyndysy boıynsha tapsyrýǵa quqyq beredi, - dep habarlaıdy Tengrinews.kz saıty.

Bul týraly ortalyq komýnıkasıalar qyzmetindegi brıfıńte QR BǴM Mektepke deıingi jáne orta bilim berý departamentiniń dırektory Jańyl Jontaeva málimdedi.

"Biz óz mektepterimizge, óz muǵalimderimizge senemiz. Orta bilim týraly atestatpen qatar, pedagogtar ujymy "Altyn belgi" men "Úzdik" atestattardy UBT-nyń nátıjesimen baılanystyrmaı, bere alatyn bolady. Árıne, komısıalar jumys isteıdi, bul komısıanyń quramyna qamqorshylyq keńes, qoǵamdyq uıymdar, ata-analar komıteti kiredi", - dedi Jańyl Jontaeva. Onyń aıtýynsha, atestattar 15 maýsymǵa deıin beriledi.

Ol mektepterdegi qorytyndy attestasıalaýdyń testileýden bir ereksheligi dep, metalizdegish qurylǵylardyń, týrnıketterdiń jáne túlekterdi tekserýdiń basqa da ádisteri qoldanylmaıtynyn atap ótti. 

Eske salaıyq, ótken oqý jylynyń qorytyndysy boıynsha "Altyn belgi" ıegeri atanǵan 2 208 túlektiń 45-i grantsyz qalyp qoıǵan bolatyn.