XIX “Shabyt” Halyqaralyq shyǵarmashylyq jastar festıvali óz máresine jetti.
Búgin aldymen Astanadaǵy Qazaq ulttyq óner ýnıversıtetinde «Shabyt» halyqaralyq festıvaliniń jeńimpazdary men júldegerlerine dıplomdar men syılyqtar tabystaldy. Odan keıin keshinde «Shabyttyń» Gran-prı ıegerleri Beıbitshilik jáne kelisim saraıynda saltanatty túrde arnaıy marapattaldy.
Bıylǵy Prezıdent kýbogy «Úzdik ádebı shyǵarma» nomınasıasyna berildi. Atalǵan nomınasıa boıynsha Gran-prı ıegeri atanǵan aqyn Erbol Alshynbaı Prezıdent kýbogyn qanjyǵasyna baılady.
Prezıdent kýbogy poezıa janryna sońǵy ret 2006 jyly berilgen bolatyn. Bul jyly qos aqyn Erlan Júnis pen Baqytgúl Babash Poezıa janry boıynsha Gran-prıge ıe boldy. Qazylar alqasynyń sheshimmen Prezıdent kýbogy Erlan Júniske buıyrdy. Araǵa on jyl salyp Prezıdent kýbogy aqyndardyń enshisine tıip otyr.
Eske sala ketsek, bıylǵy «Úzdik ádebı shyǵarma» nomınasıasy boıynsha Erbol Alshynbaı – Gran-Prı ıelenip, Qurmet dıplomy, medal jáne aqshalaı syıaqy (300 000 teńge) alǵan bolatyn.
