Búgin Bilim jáne Ǵylym mınıstrligi ulttyq birińǵaı testileý jáne mektep bitirý emtıhandary jóninde ortalyq komýnıkasıalar qyzmetinde ótken baspasóz máslıxatyn ótkizdi. Baspasóz máslıhatynda aıtylǵan máseleler týraly tolyq málimet bere ketkendi jón kórdim.
1. Mektep bitirý emtıhan týraly
Mektep bitirý emtıhany 5 pánnen tapsyrady. Emtıhan 29 mamyr men 9 maýsym arasynda júgiziledi.
1) Qazaq tili men ádebıetinen erkin taqyrypta 250 sózden turatyn esse jazady. Jazý ýaqyty 3 saǵat. Esse ádebı taqyryptarda beriledi, ol shaǵyn kólemdegi prozalyq shyǵarmalar nemese oqýshynyń óziniń jeke oıyn bildiretin erkin taqyrypta jazylady.
2) Algebra jáne analız bastamalary páninen bes tapsyrmadan turatyn baqylaý jumysy. (jazbasha emtıhan). Oǵan bes astronomıalyq saǵat berilip otyr. apsyrmalary matematıkalyq faktilerdi, túsinikterdi, tásilderdi, esep shyǵarý jáne logıkalyq tapsyrmalardy sheshýge arnalady
3) Qazaqstan tarıhy páninen 3 suraqtan turatyn aýyzsha emtıhan. Eki suraq Qazaqstan tarıxynyń teorıasyn qamtıtyn bolsa, úshinshi suraq shyǵarmashylyq suraq bolady. Ol kezde kartamen, t.b men jumys isteý kerek.
4) Orys tilinen test. Oǵan 80 mınýt beriledi. 40 suraqqa 40 upaı beriledi. Munda 10 suraq tyńdalym, 20 suraq gramatıka, 10 suraq oqylym.
5) Tańdaý páni. Tańdaý páninen 30 test, onyń jartysynda bir jaýaby, jartysynda eki nemese úsh jaýaby durys. Jalpy 60 bal.
Eskertý. Test arqyly tapsyratyn eki pán bir kúnde bolady. Suraqtardy daıyndaý ulttyq birińǵaı testileý ortalyǵy júrgizedi. Altyn belgi osy emtıhan nátıjesinde anyqtalady.
2. Ulttyq birińǵaı test
Bul talapkerlerdiń joǵary oqý oryndaryna túsý jáne memlekettiń grantty bólý úshin júrgiziledi. Bul 20-shy maýsym men 1-shi shilde aralyǵynda respýblıka boıynsha 165 testileý beketterinde ótkiziledi. Oqýshy bes pánnen eki kún tapsyrady. Birinshi kúni mindetti úsh pán, ekinshi kúni eki tańdaý páninen tapsyrady.
Mindetti pánder:
1) Oqý saýattylyǵy
2) Matematıkalyq saýattylyq
3) Qazaqstan tarıhy
Bulardyń barlyǵy jeke jeke 20 testten turady jalpy 60 test, jalpy upaı 60 bal.
Al tańdaý páni eki pán, ár qaısysy 30 testten turady, jalpy 60 test, munyń ishinde jartysy bir jaýaby durys, jartysynyń eki nemese úsh jaýaby durys test, nemese sáıkestendirý suraqtary. Jalpy upaıy 80 bal.
Eskertý! Kolej bitirgender tek eki tańdaý pánin ǵan tapsyrady.
Osy testter nátıjesinde oqýshy joǵary oqý ornyna túse alady. Ulttyq testtiń jalpy baly 140 bal!
Barsha túlekterge sáttilik tileımiz! Daıyndyǵy myqty oqýshyǵa árqandaı emtıhan kedergi keltirmeıdi.
Respbýlıkalyq «KAZBILIM» ortalyǵy dırektory Aıatjan Ahmetjan.
