"AQSH pen Reseı odaqtas memleketter bolatynyna senemin. Men Pýtındi qoldaımyn.
Reseı Ýkraınaǵa basyp kirmegen jáne de Demokratıalyq partıanyń ulttyq komıtetiniń elektrondyq poshtasynyń buzylýyna Reseıdiń esh qatysy joq", - dep Reseıge qoldaý kórsetken edi Donald Tramp.
Sonymen qatar, Tramp NATO uıymynyń bolashaǵyna kúmándana qaraıtynyn da aıtty. Tramp ózin Reseı keńesshilerimen qorshap, Reseımen jańa aláns qurýdy josparlaýda. "Kóptegen álemdik deńgeıdegi máselelerdi (Sırıadan bastap qarýly kúshterdi baqylaýǵa alý sıaqty) sheshý úshin eki el birigip, jumys atqarý kerek", -dep aıtty AQSH-tyń jańa prezıdenti.
Oksford ýnıversıteti Sent-Entonı kolejiniń qyzmetkeri Vladımır Pastýhov: Tramp táýekelshil, kez kelgen kezde óz sheshimin ózgertýi múmkin. "Meniń oıymsha, Tramptyń qarym-qatynastary «Amerıka taýlary» sekildi bolady – birde joǵary, birde tómen, alaıda eshqashan birqalypty bolmaıdy», - deıdi Vladımır Pastýhov. Men «Tramp Reseı úshin eń tıimdi tańdaý» degen áńgimemen kelispeımin. Ol bıznes-mádenıetti qoldaıdy, al ondaı adamdar táýekelshil, tek paıdany oılaıdy jáne soǵan baılanysty sheshim qabyldaıdy. Pýtınge Tramppen til tabysý qıynǵa soǵady dep oılaımyn. Basynda Tramp Pýtınniń «Qyrym kúnálaryn» keshirip, ony Taıaý Shyǵys shóldi aımaqtarymen qyzyqtyrady", - dep qorytyndylady Pastýhov.
Al, Reseı men Azıa programmalarynyń dırektory Nıkolaı Zlobın: Tramp – Reseı rýletkasy sekildi, jasy 70-ke kelse de, saıasat álemine endi ǵana aralasyp júr. «Reseıde Klınton-tanýshylary kóp. Olar onymen birge jumys istegen, kelissóz júrgizgen, tanyp úlgergender. Alaıda Reseı saıasatkerleri Tramppen tanys emes. Tramp syrtqy saıasatqa ózgerister alyp kelýi múmkin. AQSH kongresi antıreseılik baǵytta ekenin umytpaǵan jón. Jańa kongrestiń qandaı bolatynyn áli kóre jatarmyz. AQSH pen Reseıdiń ózara qarym-qatynasyn qurý barysynda AQSH-tyń jańa prezıdentine qalaǵan emin-erkindik berilmeıdi», - dep pikir bildirdi Zlobın.
«Pýtın men Tramptyń qarym-qatynasy jaqsy. Sonymen qatar Donald Tramp Reseı men AQSH qarym-qatynastaryn ári qaraı damytýǵa ýáde bergen bolatyn. Pýtın de ony qoldaıdy. Al, Qyrymǵa keletin bolsaq, Donald Tramptyń Qyrymǵa eshqandaı qatysy joq. Qyrym – Reseı aımaǵy. Bul – fakt. Reseı Tramptyń Qyrymdy moıyndaýyn kútpeıdi», - dep málimdedi Reseı prezıdentiniń baspasóz hatshysy Dmıtrıı Peskov.
Reseı ekonomısteriniń basym kópshiligi Tramptyń jeńisine qýanýdyń da, qaıǵyrýdyń da qajeti joq dep esepteıdi. Alaıda Reseı men AQSH-tyń odaqtastyǵy búkil álemge jaqsy áser etetinine senemiz!
Sholýshy: Ishanhan Daıana
