Búgin, óńirlik komýnıkasıalar qyzmetiniń alańynda Almaty qalasy Kásipkerlik jáne ındýstrıaldy-ınnovasıalyq damý basqarmasynyń basshysy Almas Mádıevtiń qatysýymen «Elbasynyń Joldaýyn iske asyrý, Qazaqstan jańa jahandyq naqty ahýalda: ósim, reformalar, damý, IV baǵyt, «Bıznestiń jol kartasy-2020», Qazaqstan Resaýblıkasy ındýstrıaldy –ınovasıalyq damýynyń 2015-2019 jyldarǵa arnalǵan baǵdarlamasy» taqyrybynda baspasóz konferensıasy ótti, - dep habarlaıdy Qamshy.kz.
Konferensıa barysynda Mádıev myrza Almaty qalasynyń shaǵyn jáne orta bıznesiniń, saýdanyń, qyzmet kórsetý salasynyń jáne ındýstrıaldy-ınnovasıalyq damýynyń negizgi kórsetkishterin jarıalady. A. Mádıev qalada shaǵyn jáne orta bıznestiń turaqty ósýiniń baıqalatynyn atap ótti. «Bıznestiń jol kartasy-2020» baǵdarlamasy boıynsha, 2016 jyly respýblıkalyq búdjetten 3,2 mlrd. teńge bólindi. Ótken jylmen salystyrǵanda «Bıznestiń jol kartasy-2020» baǵdarlamasy jobalarynyń sany 2,5 esege, alynǵan nesıeler qorjyny men sýbsıdıalar kólemi 2 esege artty. Baǵdarlamany iske asyrýdyń jetistikti úlgileri: «Mega Almaty» saýda oıyn-saýyq ortalyǵynyń aýmaǵynda «Happy Eye» eń iri aınalany sholý atraksıony, «Moskva» saýda oıyn-caýyq ortalyǵy jáne Hilton qonaq úıi.
28-shi Qysqy Ýnıversıada-2017 jáne EKSPO-2017 is-sharalarynyń qarsańynda qazirgi ýaqytta 100-den astam nysandar iske qosyldy. Hilton, Kempinski, Novotel belgili ataýlarymen qonaq úılerin ashýǵa daıyndyq júrgizilýde.
2017 jyldyń III toqsanyna deıin «OBI» birinshi nemis gıpermarketi óziniń qurylysyn aıaqtaıdy. Ekinshi besjyldyqtyń Kásipkerlikti qoldaý Kartasyn paıdalaný kezeńine 11000 jumys oryndyry quryla otyryp, somasy 175 mlrd. teńgeni quraıtyn barlyǵy 80 joba kiredi, onyń 21-i iske qosylǵan.
Ótken dúısenbide memleket basshysynyń qatysýymen ótken Telekópir barysynda Indýstrıalandyrý Kartasynyń sheńberinde ózen arnalaryn turaqtandyrýǵa arnalǵan gabıondyq torlar óndirisi boıynsha «Tokyo Rope Almaty» Japon zaýyty iske qosyldy. Sondaı-aq, Tokyo Rope jáne Almaty qalasynyń ákimdigi Almaty qalasynda Japonıanyń iskerlik klýby men Indýstrıaldy aımaqta Japondyq ındýstrıaldy park qurý týraly memorandýmǵa qol qoıdy.
Qamshyger: Daıana Ishanhan
